+7 (777) 001 44 99
ПОДЕЛИТЬСЯ
Алматы облысында жоғалып кеткен қызды іздеу үшін көл суының деңгейі төмендетіледі, - деп хабарлайды Tengrinews.kz тілшісі КТК телеарнасына сілтеме жасап.
Алматы облысында жоғалып кеткен қызды іздеу үшін көл суының деңгейі төмендетіледі, - деп хабарлайды Tengrinews.kz тілшісі КТК телеарнасына сілтеме жасап.
Бала 17 наурызда үйден шығып кетіп, оралмаған. Оқиға Еңбекшіқазақ ауданы, Күш ауылында болған. Полицияға баланың анасы кешке хабарласқан.
Қызды полиция, құтқарушылар, еріктілер, ауыл тұрғындары және тіпті әскери қызметкерлер іздеп жатыр. Осы уақыт ішінде іздеу аумағы едәуір кеңейген. Оған қазір ауылдың барлық іргелес аумағы мен көршілес ауылдық округтердің шаруа қожалықтары қосылды.
Жоғалған 3 жасар қызды тікұшақпен де іздеп жатыр, сондай-ақ 4 дрон қосылған. Іздеуге 25 ит пен 10 атты топ жұмылдырылды. Іздеу операциясына барлығы 300-ден астам адам қатысып жатыр.
"Қыз әлі де табылған жоқ. Еңбекшіқазақ ауданы ТЖМ Әскери құралымы іздестіруді сол құрамда жалғастырып жатыр. Іздестіру жұмыстары қыз табылғанға дейін жалғасады", - деді Балтабай ауылдық округінің әкімі Сәуле Әліпова.
Енді ауылдағы көлден бірнеше метр су ағызу жоспарланып отыр. Көл жоғалған қыздың үйінің жанында орналасқан. Бірақ бұл тағы бір аптаға созылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
