+7 (777) 001 44 99
ПОДЕЛИТЬСЯ
Футболдан Бразилия жерінде өтетін әлем чемпионатынан 4,5 млрд доллар көлемінде пайда түседі. Бұл туралы Сан-Паулуда әлем біріншілігіне орай өткен баспасөз жиынында ФИФА-ның вице-президенті Жером Вальке айтты, - деп хабарлайды Tengrinews.kz.
Футболдан Бразилия жерінде өтетін әлем чемпионатынан 4,5 млрд доллар көлемінде пайда түседі. Бұл туралы Сан-Паулуда әлем біріншілігіне орай өткен баспасөз жиынында ФИФА-ның вице-президенті Жером Вальке айтты, - деп хабарлайды Tengrinews.kz.
"Әлем чемпионатынан 4,5 млрд доллар көлемінде пайда түседі. ФИФА бұл байрақты бәсекені өткізу үшін 2 млрд долларға жуық қаржы жұмсады. Түскен пайданың 30 пайызы қайырымдылық қорына жұмсалатын болады", - деді баспасөз жиыны барысында Вальке.
Ал ФИФА президенті Йозеф Блаттер Бразилия чемпионатты өткізуге толық дайын деп мәлімдеп отыр. "Бразилия әлем чемпионатын қабылдауға толық дайын. Біріншілікке қатысатын құрамаларға елдегі ең үздік қонақүйлермен жаттығу базаларын ұсынып отырмыз. Егер, төтенше жағдайлар болса, оны жылдам шешудің де амалдарын қарастырып қойдық", - дейді ФИФА президенті.
Дегенмен ФИФА жетекшілері мен басшылары елде тәртіп орнады деп мәлімдеме жасағанына қарамастан, Бразилияда шерулер өтіп жатыр. Шерулердің соңғысы кеше Салвадор, Порту-Алегри, Белу-Оризонти, Сан-Паулы және елдің астанасы Бразилиада өтті. Бұл жолы митингке елдің ірі кәсіподақ өкілдері мен теңізшілері шығып, мемлекет басшыларынан жұмыс уақытының азайту мен жалақыны көбейтуді талап етті.
Еске салайық, әлем чемпионаты 12 маусым мен 13 шілде аралығында Бразилияда 12 қаласында өтеді.
Турнирдің ашылу салтанаты Сан-Паулуда өтіп, алғашқы ойында Бразилия мен Хорватия құрамалары кездеседі. Чемпионаттың финалы 13 шілдеде Рио-де-Жанейродағы "Маракана" стадионында өтеді. Чемпионатқа бас-аяғы 32 елдің құрамасы қатысады.
