03 сәуір 2014 17:56

Универсиада Алматыдағы жатақхана тапшылығын шешпек

ПОДЕЛИТЬСЯ

©Тengrinews.kz ©Тengrinews.kz

Алматыда өтетін 2017 жылғы Дүниежүзілік қысқы Универсиаданың кейбір спорт нысандары студенттерге беріледі, - деп хабарлайды Tengrinews.kz тілшісі ҚР Студенттік спорт ұлттық федерациясының президенті Қайрат Зәкірияновқа сілтеме жасап.


Алматыда өтетін 2017 жылғы Дүниежүзілік қысқы Универсиаданың кейбір спорт нысандары студенттерге беріледі, - деп хабарлайды Tengrinews.kz тілшісі ҚР Студенттік спорт ұлттық федерациясының президенті Қайрат Зәкірияновқа сілтеме жасап.

Оның айтуынша, студенттік спорт бойынша халықаралық федерациясының (FISU) "Универсиада мұрасы" атты бағдарламасы бар. "Мәселен, өткен жылы Татарстанның Қазан қаласында жазғы универсиада өткен болатын. Одан студент-жастарға келген пайда қандай? Осы универсиада аясында салынған спорт нысандарының 80 пайызы Татарстанның Поволжск дене шынықтыру және спорт академиясына берілді. Бүгінде татар студенттері қажетті нысандармен 100 пайызға қамтамасыз етілген", - дейді Зәкіриянов. Қазіргі кезде Қазақстанның студенттік спорты ұлттық федерациясы да осы іспетті бағдарламаны даярлап жатыр.

Алматыдағы Универсиада аясында екі ірі нысан салынады. Оның бірі 12 мың орынға арналса, екіншісі 3 мың орынға есептеледі. Сондай-ақ бір Олимпиада қалашығы салынады. Онда спортшы студенттер тұрады. "Универсиададан кейін ол қалашық қала студенттерінің пайдалануына беріледі. Себебі Алматыда жатақхана тапшылығы қатты сезіледі", - деп атап өтті Зәкіриянов.  

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети