+7 (777) 001 44 99
ПОДЕЛИТЬСЯ
Букмекерлер Головкин - Лемье кездесуінің жеңімпазын белгіледі, - деп хабарлайды Vesti.kz.
Букмекерлер Головкин - Лемье кездесуінің жеңімпазын белгіледі, - деп хабарлайды Vesti.kz.
Букмекерлердің ойынша, бұл жекпе-жекте қазақстандық боксшы жеңіске жетеді. Головкиннің жеңісіне қойылған коэффициент 1.08-ге тең, ал Лемьенікі - 10. Кездесудің тең түсетініне қойылған коэффициент 40-қа тең.
Айта кетейік, бұған дейін Давидтің менеджері Эстефан Лемье мен қазақстандық боксшы Головкин арасындағы жекпе-жектің қалай өтетіні жайында айтып берген болатын. "(...) Головкин - әлемдегі ең үздік бестіктің қатарына кіретін боксшы. Давид онымен жұдырықтасуға дайын деп нық сеніммен айта аламын. Бұл жекпе-жек Лемьені мансап жолында келесі деңгейге көтеруі мүмкін және біз Нью-Йоркке жеңіс үшін барамыз. Бұл керемет кездесу болады. Головкин мен Лемье - жекпе-жекті нокаутпен аяқтауды әдет қылған жігіттер, олар бұл кездесуде бар күштерін салады. Бәрімізді естен кетпес шоу күтіп тұр", - деді Эстефан.
Еске сала кетейік, Давид Лемье мен Геннадий Головкин 17 қазанда Нью-Йорктегі Madison Square Garden аренасына жұдырықтасады. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ.
