+7 (777) 001 44 99
ПОДЕЛИТЬСЯ
Қазақстанның кәсіпқой бокс федерациясының вице-президенті Виктор Демьяненко Vesti.kz порталының тілшісіне қазақстандық боксшы Жанат Жақияновтың (27-2, 18 КО) командасының ұлыбританялық боксшы Райан Барнеттің (18-0, 9 КО) жекпе-жектен соң допинг сынақтан өтпегені үшін WBA және IBF ұйымдарына шағым білдіруіне байланысты ойымен бөлісті.
Қазақстанның кәсіпқой бокс федерациясының вице-президенті Виктор Демьяненко Vesti.kz порталының тілшісіне қазақстандық боксшы Жанат Жақияновтың (27-2, 18 КО) командасының ұлыбританялық боксшы Райан Барнеттің (18-0, 9 КО) жекпе-жектен соң допинг сынақтан өтпегені үшін WBA және IBF ұйымдарына шағым білдіруіне байланысты ойымен бөлісті.
Жеңіл салмақта WBA және IBF белбеулерін біріктірген жекпе-жек 21 қазан күні Барнеттің туған қаласы Белфаст қаласында өтті. 12 раундтың қорытындысы бойынша төрешілер жеңісті британдық боксшыға берді. Осылайша Барнетт IBF белбеуін сәтті қорғап, Жақияновтың WBA (Super) белбеуіне ие болды.
"Чемпиондық белбеу сарапқа салынған кезде боксшылар жекпе-жектен міндетті түрде допинг сынақтан өтіп тұрулары керек. Барнеттің командасы емханаға бару туралы дүниені допинг сынақтан өтпеуі үшін әдей ойлап табуы мүмкін. Мен жекпе-жекті көрдім. Екі боксшы да теңдей дәрежеде жұдырықтасты. Жекпе-жектен кейін Барнеттің жағдайы қиын болды деп айта алмаймын. Қалай болған жағдайда да Барнетт жекпе-жектен кейін допинг сынақ тапсыруы керек еді. Содан соң да емханаға баруға болады", - дейді Демьяненко.
Бүкіләлемдік бокс кеңесінің ережесі бойынша, енді белбеу Жақияновта қалып, Барнетті бокстан шеттелуі мүмкін.
"Ереже бойынша белбеуді Жақияновқа қайтарып беру керек. Бірақ Барнетті бокстан шеттету ешкімге керек емес. Одан не пайда? Ұйымдастырушыларға белбеуді қайтарып, екінші жекпе-жекті ұйымдастыра салған дұрыс. Барнетт допинг қабылдауы мүмкін бе? Нақты айта алмаймын. Бір білерім, Барнетт "таза" емес. Таза болса бірден допинг сынақтан өтуі керек еді. Мен Жақиянов пен оның промутеріммен сөйлесіп алуым керек. Мәселенің мән-жайын ашып, сосын нақты айта аламын", - деді Қазақстанның кәсіпқой бокс федерациясының вице-президенті.
