+7 (777) 001 44 99
ПОДЕЛИТЬСЯ
Алматы облысы бойынша Мемлекеттік кірістер департаментінің өкілдері ер адамды аяусыз ұрып-соғу оқиғасынан кейін дүкеннің қызметін тексерді, - деп хабарлайды Tengrinews.kz тілшісі Алматы облыстық МКД алдын алу және бақылау басқармасының бас маманы Мырзахан Жақсылыққа сілтеме жасап.
Алматы облысы бойынша Мемлекеттік кірістер департаментінің өкілдері ер адамды аяусыз ұрып-соғу оқиғасынан кейін дүкеннің қызметін тексерді, - деп хабарлайды Tengrinews.kz тілшісі Алматы облыстық МКД алдын алу және бақылау басқармасының бас маманы Мырзахан Жақсылыққа сілтеме жасап.
"Алматы облысы бойынша МКД Экономикалық тергеулер қызметінің қызметкерлері заңсыз құмар ойын бизнесін ұйымдастыру дерегі бойынша тергеу жүргізіп жатыр, нақтырақ айтсақ, Алматы облысындағы Қарасай ауданы Жаңашамалған ауылындағы "Салтанат" дүкеніндегі ойын автоматтарын тексеріп жатыр. Шара барысында бес ойын автоматы анықталды. Қазіргі уақытта бұл дерек Сотқа дейінгі бірыңғай реестрінде ҚР ҚК 307-бабы (Заңсыз ойын бизнесін ұйымдастыру) бойынша тіркелді", - деп хабарлады департаменттегілер.
© Алматы облыстық МКД баспасөз қызметінің жолдаған суреті
Еске салайық, осыған дейін Алматы облысында дүкендердің бірінде аяусыз ұрып-соғу оқиғасы бейнеленген видеодағы адамдардың іздестіріліп жатқаны хабарланған болатын. Кадрлардан ойын автоматтары орнатылған азық-түлік дүкенінде қолы қан ер адамның арлы-берлі жүргенін көруге болады. Ал сатушы әйел оның ашуын басқысы келеді және еденге қан шашпауын сұрайды. Ер адам ашуға булыққан, соған қарағанда бір автоматты сындырған сияқты. Бірер уақыт өткеннен кейін дүкенге тағы бір ер адам кіреді, ол ойын автоматтарының иесі делінеді. Ол кіріп келіп, ер адамды ұрып құлатады, кейін жатқан жерінде тағы да соққы жасайды.
