+7 (777) 001 44 99
ПОДЕЛИТЬСЯ
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті Байқоңыр көпсалалы ауруханасының бас дәрігеріне қатысты сотқа дейінгі тергеу жүргізіп жатыр, - деп хабарлайды Tengrinews.kz тілшісі.
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті Байқоңыр көпсалалы ауруханасының бас дәрігеріне қатысты сотқа дейінгі тергеу жүргізіп жатыр, - деп хабарлайды Tengrinews.kz тілшісі.
Бұл қылмыстық істі одан ары тергеу үшін "Байқоңыр" кешенінің прокуратурасы Ресей Федерациясының Қылмыстық кодексінің 160-бабының 3-бөлігінде көзделген қылмысты жасау дерегі бойынша Қазақстан Республикасының Құқық қорғау органдарына берді.
"Тергеу барысында 2020 жыл 25 желтоқсанда Байқоңыр қаласы көпсалалы ауруханасының бас дәрігері өзінің қызметтік жағдайын пайдаланып, өзіне сыйақы төлемдерін есептеу туралы заңсыз бұйрық шығарған және медициналық мекемеге тиесілі ақша қаражатын жымқырғаны анықталды. Осы әрекеттердің нәтижесінде аталған медициналық мекемеге 2 миллион 600 мың теңгеден астам материалдық шығын келтірілген", - деді "Байқоңыр" кешені прокуратурасының баспасөз қызметі.
Қызылорда облысының прокуратурасы 2022 жылдың 14 қаңтарында қылмыстық іс қозғалғанын хабарлады.
"Сотқа дейінгі тергеу ҚР ҚК 189-бабы, 3-бөлігі, 1-тармағы "Сеніп тапсырылған мүлікті ірі мөлшерде ұрлау және ысырап ету" бойынша жүргізіліп жатыр", - деп толықтырды облыс прокуратурасы.
ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті Байқоңыр көпсалалы ауруханасы басшылығының бюджет қаражатын жымқыру дерегін тергеуді бастады.
"Оның қорытындысы бойынша процессуалдық шешім қабылданатын болады. Тергеу мүддесіне сай өзге мәліметтер ҚР Қылмыстық-процестік кодексінің 201-бабына сәйкес жария етілмейді", - деді Сыбайлас жемқорлыққа қарсы іс-қимыл агенттігі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
