25 қазан 2015 16:51

Журналист Бота Жұмановаға шабуыл жасады делінген ер адам ұсталды

ПОДЕЛИТЬСЯ

Журналист Бота Жұманованы ұрып-соқты делінген ер адам ұсталды, - деп хабарлайды Tengrinews.kz тілшісі Алматы қалалық ІІД баспасөз қызметіне сілтеме жасап.


Журналист Бота Жұманованы ұрып-соқты делінген ер адам ұсталды, - деп хабарлайды Tengrinews.kz тілшісі Алматы қалалық ІІД баспасөз қызметіне сілтеме жасап.

Полицияның мәліметінше, ІІБ қызметкерлері мен Алмалы аудандық полиция бөлімінің қызметкерлері қылмыс жасады деген күдікпен Алматы облысы, Жаркент қаласының 1993 жылғы тумасын ұстады.

"Қазақстан Республикасының Қылмыстық-процессуалдық кодексінің 128-бабының тәртібінде ұсталған адам уақытша ұстау изоляторына қамалды. Алматы қалалық ІІД Анықтау басқармасында тергеу жүріп жатыр. Алдағы уақытта қылмыстың мотиві мен өзге де жағдаяттары анықталады", - деп хабарлады қалалық ІІД баспасөз қызметінің өкілдері.

Айта кетейік, бұған дейін қазақстандықтардың ІІМ министрі Қалмұханбет Қасымовтан Бота Жұманованың ісін жеке бақылауына алуды сұрағаны хабарланған болатын.

Еске сала кетейік, Алматыда журналист Ботагөз Жұмановаға жасалған шабуылдың видеосы жарияланған еді. Оқиға 8 қазан күні кешке болған. Видеодан бір жігіттің журналист қыздың соңынан ілесіп келіп, бірер секундтан кейін оны соққыға жығып, ұрып, тепкінің астына алып, қашып кеткенін көруге болады. 

Оқиғадан кейін бір күн өткенде соққыға жығылған журналист Бота Жұманова өзінің жағдайы жайлы айтып берді. Сонымен қатар, Алматыда журналист қызға шабуыл жасаған адам жайлы мәлімет берген адамға кәсіпкер Ерлан Нұрпейісов сыйақы жариялады. Бұл туралы кәсіпкер Facebook желісіндегі өз парақшасында жария етті.

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети