+7 (777) 001 44 99
ПОДЕЛИТЬСЯ
Қызылорда облысы полицейлері ірі мөлшерде есірткі еккен тұрғынды ұстады, - деп хабарлайды Tengrinews.kz тілшісі Polisia.kz сайтына сілтеме жасап.
Қызылорда облысы полицейлері ірі мөлшерде есірткі еккен тұрғынды ұстады, - деп хабарлайды Tengrinews.kz тілшісі Polisia.kz сайтына сілтеме жасап.
Қызылорда облысы полицейлері "Қарасора – 2022" жедел-профилактикалық іс-шарасы кезінде 4116 түп сора өсімдігін еккен 37 жастағы жұмыссыз тұрғынды ұстаған. Ол Шиелі ауданына қарасты Жуантөбе ауылынан оңтүстік-батысқа қарай 45 шақырым жердегі шеңгел мен сексеуіл арасына сора өсірген. Арнайы баптап өсірілген сораның ұзындығы 60-70 сантиметрге жеткен.
Осы аумаққа келген көліктердің дөңгелектерін тесу үшін тұрғын ауыл маңындағы жолдарға қолдан жасалған металл шыбықтарды тастаған.
Сурет:polisia.kz
Полицейлер оқиға орнынан ірі есірткі алқабынан бөлек арнайы кептірілген марихуана, заңбұзушының жеке заттарын, азық-түлік, сора өсіруге арналған арнайы жабдықтар, екі насос, палатка, мотор, 20 метрлік шланга, күрек, кетпен тәркіледі.
4 116 түп көлемінде тәркіленген сора өсімдігінің жалпы салмағы 34 келі, ал кептірілген марихуана 696 грамм. Күдікті Шиелі аудандық полиция бөлімінің уақытша ұстау изоляторына қамауға алынды.
Бұл дерек бойынша ҚР ҚК-нің 296-бабы 3-бөлігі ("Есірткі, психотроптық заттармен, сол тектестермен өткізу мақсатынсыз заңсыз жұмыс істеу") және 300-бабы 2-бөлігі ("Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру") бойынша соталды тергеу әрекеттері жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
