+7 (777) 001 44 99
ПОДЕЛИТЬСЯ
Оралда бір адамды қағып өлтірген полицей сотталды, - деп хабарлайды Tengrinews.kz тілшісі Батыс Қазақстан облыстық сотының ақпараттық қамтамасыз ету бөліміне сілтеме жасап.
Оралда бір адамды қағып өлтірген полицей сотталды, - деп хабарлайды Tengrinews.kz тілшісі Батыс Қазақстан облыстық сотының ақпараттық қамтамасыз ету бөліміне сілтеме жасап.
Оқиға 2015 жылдың 28 наурызында түнгі уақытта болды. Орал қалалық Абай ПБ-нің учаскелік инспекторы жол жүру ережелерін өрескел бұзып, бір жаяу жүргіншіні қағып кеткен. Ол алған жарақатынан оқиға орнында қаза тапты.
"Орал қалалық сотының үкімімен А.Серіков ҚР ҚК-нің 345-бабының 3-бөлігі бойынша айыпты деп танылып, оған 2 жыл 6 ай бас бостандығынан айыру жазасын қоныс колониясында өтеуге тағайындалды", - деп хабарлады сот өкілдері.
Еске салайық, осыған ұқсас оқиға Қарағандыда болған еді. Полицей көшені белгіленбеген тұстан кесіп өтпек болған ер адамды көлігімен қағып өлтірген болатын. Жол-көлік оқиғасына жол берген жүргізуші - Қарағанды ішкі істер басқармасының Оңтүстік-Шығыс полиция бөлімінің 23 жастағы қызметкері. Қарағанды облыстық "Жедел жәрдем" орталығының мәліметінше, жол-көлік оқиғасы Степной ықшамауданында болды.
