+7 (777) 001 44 99
ПОДЕЛИТЬСЯ
Теміртауда 9 тамызға қараған жаппай төбелес болды. Төбелес кезінде қарумен оқ атылған, - деп хабарлайды Tengrinews.kz тілшісі.
Теміртауда 9 тамызға қараған жаппай төбелес болды. Төбелес кезінде қарумен оқ атылған, - деп хабарлайды Tengrinews.kz тілшісі.
Оқиға салдарынан 27 жастағы ер адам медициналық мекемеге жатқызылды.
Посмотреть эту публикацию в Instagram
Оқиға көшедегі бейнебақылау камерасына түсіп қалған. Кейін ол жазба әлеуметтік желілерде тарап кетті. Кадрлардан бір топ адамның көлікке шабуыл жасап жатқанын көруге болады. Ал, жүргізуші оларды көлікпен соғуға тырысады. Куәгерлердің айтуынша, оқиға 9 тамызға қараған түні Теміртаудағы 4-ықшамауданда болған.
Видео Желіде пайда болғаннан кейін оған қатысты Қарағанды облысы ПД бастығының бірінші орынбасары Құрманғали Ысмағұлов пікір білдірді. Ол бұзақылық ниетте оқ атқан видео кейіпкері ұсталғанын айтты.
"9 тамызға қараған түні полиция бөліміне хабарлама түсті: 27 жастағы қала тұрғыны түрлі дене жарақаттарымен Орталық қалалық ауруханаға жатқызылған", - деді полковник Құрманғали Ысмағұлов.
Күдікті мен төбелеске қатысушыларды іздеуге Теміртау полиция басқармасының барлық жеке құрамы жұмылған. Жедел-іздестіру шаралары барысында криминалдық полиция қызметкерлері қақтығыстың кейбір қатысушыларын анықтады.
"20-37 жас аралығындағы төрт күдікті ер адам ұсталды. Полицейлер қақтығысты 30 жастағы ер адам бастағанын анықтады. Ол үйдің ауласында жәбірленушімен жанжал кезінде оған травматикалық қарудан оқ атқанын мойындады. Қазіргі уақытта ол уақытша ұстау изоляторына қамалды", - деді Құрманғали Ысмағұлов.
Қылмыстық істі тергеу ҚР ҚК-ның 293-бабы 3-бөлігі "Бұзақылық" бойынша басталды. Қазіргі уақытта төбелеске қатысушыларды ұстау бойынша жедел шара және тергеу амалдары жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
