+7 (777) 001 44 99
ПОДЕЛИТЬСЯ
"Байқоңыр" ғарыш айлағынан 5 ақпанда "Прогресс М-22М" жүк кемесі бар "Союз-У" зымыраны сәтті ұшырылды деп хабарлайды Роскосмос баспасөз қызметіне сілтеме жасаған Tengrinews.kz. Зымыран Астана уақытымен 22.23-те ұшырылған. Ал он минуттан кейін ғарыш жүк кемесі зымыран тасығыштан бөлініп шығып, ХҒС-қа қарай жол тартқан. Халықаралық ғарыш стансасына барып түйісу 6 ақпанның Астана бойынша 04.26 уақытына жоспарланған. "Прогресс" бортында оттегі, отын, ғылыми сынақтарға арналған жабдықтар, дәрі-дәрмектер, тамақ, су, ауа және ғарышкерлерге арналған сәлемдеме сынды 2,5 тонна жүк бар. Роскосмос өкілінің РИА Новости ақпарат агенттігіне хабарлауынша, жүктің арасында "Аквариум-AQH" атауындағы ресей-жапон тәжірибесіне арналған алтын балығы бар контейнер де жүр екен. Бұл бағдарлама мақсаты - микрогравитация жағдайында ғарыш сапарының жабық экологиялық жүйеге және оның құрамдас бөлігі - өсімдіктерге, жануарларға және балықтарға әсерін зерттеу. Ғалымдардың пікірінше, аталған зерттеуден алынатын ақпараттар іргелі ғылым үшін де, сол секілді биологиялық заттардың айналымы негізінде ғарыш экипажының тіршілігін қамтамасыз ету жүйесін құру жөніндегі жұмыстар үшін де аса маңызды. Бұл сынақ халықаралық ғарыш стансасының америкалық сегментінде Kibo жапон модуліндегі JAXA Aquatic Habitat аквариумында жүргізілетін болады. Алтын балықтан тыс стансаға ұзын жауын құрттары мен масаның жұмыртқасы да жеткізіліпті. Бұл - "Байқоңыр" ғарыш айлағынан Ресейдің 2014 жылдағы алғашқы ғарыш ұшырылымы.
"Байқоңыр" ғарыш айлағынан 5 ақпанда "Прогресс М-22М" жүк кемесі бар "Союз-У" зымыраны сәтті ұшырылды деп хабарлайды Роскосмос баспасөз қызметіне сілтеме жасаған Tengrinews.kz. Зымыран Астана уақытымен 22.23-те ұшырылған. Ал он минуттан кейін ғарыш жүк кемесі зымыран тасығыштан бөлініп шығып, ХҒС-қа қарай жол тартқан. Халықаралық ғарыш стансасына барып түйісу 6 ақпанның Астана бойынша 04.26 уақытына жоспарланған.
"Прогресс" бортында оттегі, отын, ғылыми сынақтарға арналған жабдықтар, дәрі-дәрмектер, тамақ, су, ауа және ғарышкерлерге арналған сәлемдеме сынды 2,5 тонна жүк бар.
Роскосмос өкілінің РИА Новости ақпарат агенттігіне хабарлауынша, жүктің арасында "Аквариум-AQH" атауындағы ресей-жапон тәжірибесіне арналған алтын балығы бар контейнер де жүр екен. Бұл бағдарлама мақсаты - микрогравитация жағдайында ғарыш сапарының жабық экологиялық жүйеге және оның құрамдас бөлігі - өсімдіктерге, жануарларға және балықтарға әсерін зерттеу.
Ғалымдардың пікірінше, аталған зерттеуден алынатын ақпараттар іргелі ғылым үшін де, сол секілді биологиялық заттардың айналымы негізінде ғарыш экипажының тіршілігін қамтамасыз ету жүйесін құру жөніндегі жұмыстар үшін де аса маңызды.
Бұл сынақ халықаралық ғарыш стансасының америкалық сегментінде Kibo жапон модуліндегі JAXA Aquatic Habitat аквариумында жүргізілетін болады. Алтын балықтан тыс стансаға ұзын жауын құрттары мен масаның жұмыртқасы да жеткізіліпті.
Бұл - "Байқоңыр" ғарыш айлағынан Ресейдің 2014 жылдағы алғашқы ғарыш ұшырылымы.
