+7 (777) 001 44 99
ПОДЕЛИТЬСЯ
Алматыда дөнерден уланған 19 адам мекеме басшысының үстінен арызданды, - деп хабарлайды Tengrinews.kz тілшісі.
Алматыда дөнерден уланған 19 адам мекеме басшысының үстінен арызданды, - деп хабарлайды Tengrinews.kz тілшісі.
Тұтынушылардың құқығын қорғау ұйымындағылардың хабарлауынша, оқиғадан зардап шеккендердің саны 90-ға жуық. "Олардың жиырмасы денсаулықтарына келтірілген залалдың өтемін төлету үшін арыз жазуды ұйғарды. Қалғандары (зардап шеккендер - Авт.) қанша құжат жинау керек екенін білгеннен кейін арыз жазудан бас тартты", - деді ұйымның мүшесі Арманғазы Мұратов.
Оның айтуынша, өтемақаның көлемі 7 миллионнан 17 миллион 730 мың теңгеге дейін өсті. "Біз зардап шеккендермен бірге арыздарды дайындап, Бостандық аудандық сотына 2 қазанда жолдадық. Енді тергеудің нәтижесі мен бұл іске қатысты сот отырысының қай күнге белгіленетінін күтіп отырмыз", - деп мәлімдеді Мұратов.
Еске сала кетейік, 25 тамызда ақпарат құралдарында Алматы дәмханаларының бірінен 60 адамның уланғаны туралы мәлімет пайда болған еді.
