+7 (777) 001 44 99
ПОДЕЛИТЬСЯ
Жамбыл облысындағы Жамбыл - Түлкібас теміржол учаскесінде жүк тиелген 12 вагон жолдан шығып кетті, - деп хабарлайды Тengrinews.kz тілшісі "Қазақстан темір жолы" ҰК" АҚ баспасөз қызметіне сілтеме жасап.
Жамбыл облысындағы Жамбыл - Түлкібас теміржол учаскесінде жүк тиелген 12 вагон жолдан шығып кетті, - деп хабарлайды Тengrinews.kz тілшісі "Қазақстан темір жолы" ҰК" АҚ баспасөз қызметіне сілтеме жасап.
Оқиғаның салдарынан 16 жолаушылар пойызы кестесінен кешігіп қалды. "2015 жылдың 6 қаңтары күні 23 сағат 45 минутта Жамбыл теміржол бөлімшесіне қарасты Жамбыл - Түлкібас учаскесіндегі Маймақ - Күркіреусу өткелінде, теміржолдың 3469-шақырымында №2007 жүк пойызының жүк тиелген 12 вагоны жолдан шығып кетті. Оқиғаның мән-жайын анықтау үшін "Қазақстан темір жолы" ҰК" АҚ арнайы комиссия құрды", - делінген хабарламада.
Комиссия жұмысының алдын ала мәліметі бойынша, вагондардың жолдан шығып кетуіне жолдың қисық учаскесінде бір тіркеменің бұрылмай қалуы себеп болды. Бұл вагонның нөмірі - 44676914. Оның меншік иесі - Ресейдің "Федералдық жүк компаниясы" АҚ. Келген шығын жүк вагонының меншік иесінен талап етілетін болады.
Қазіргі уақытта Жамбыл және Шымкент жол бөлімшелері оқиғаның салдарын қалпына келтіріп жатыр. Пойыздардың қозғалысы 7 қаңтар күні сағат 09.05-те жанданды. Жолаушыларға өтемақы төленетін болады.
