+7 (777) 001 44 99
ПОДЕЛИТЬСЯ
Жамбыл облысы Сарысу ауданы Жаңатас қаласында өрттен бес бала қаза тапты, - деп хабарлайды Tengrinews.kz тілшісі Жамбыл облысы әкімдігіне сілтеме жасап.
Жамбыл облысы Сарысу ауданы Жаңатас қаласында өрттен бес бала қаза тапты, - деп хабарлайды Tengrinews.kz тілшісі Жамбыл облысы әкімдігіне сілтеме жасап.
Оқиға 19 ақпанда сағат 15.15-те 2 шағынауданда болған. 5 қабатты тұрғын үйде 16 шаршы метр алаңда 3 қабаттағы пәтерде өрт шыққан.
Пәтерде 2015, 2016, 2017, 2019 және 2020 жылдары туған бес бала болған, олар ересектердің қарауынсыз қалған.
"Алдын ала мәлімет бойынша, отбасының отағасы жұмыста болған, анасы дүкенге кеткен. Өрт салдарынан кәмелетке толмаған барлық бала улы газдан зардап шегіп, шұғыл ауруханаға жатқызылды, алайда біраз уақыттан кейін қайтыс болды. Оқиғаның себебін анықтау үшін Жамбыл облысы әкімінің бұйрығымен облыс әкімінің орынбасары Ұлан Жазылбек бастаған арнайы комиссия құрылып, оқиға орнына шықты. Комиссия құрамына прокуратура, полиция департаменті, төтенше жағдайлар департаменті және басқа да мүдделі мемлекеттік органдардың өкілдері кірді", - делінген хабарламажа.
Зардап шеккен отбасына жергілікті атқарушы органдардың жан-жақты көмегі, оның ішінде психологтардың көмегі және жерлеуді ұйымдастыру көрсетілетіні айтылады.
"Жамбыл облысы ТЖД жедел тобы, жылжымалы өрт-техникалық зертханасы, жедел топ және өрт сөндіру және авариялық-құтқару жұмыстары қызметінің психологтары Жаңатасқа шықты. Сонымен қатар, оқиға орнына облыс прокуроры Нұрғалым Әбдіров пен полиция департаментінің бастығы Жанат Сүлейменов шықты. Оқиға орнында өрт сөндіру қызметінің 6 қызметкері және 1 дана техника жұмыс істеді. Өрт толықтай сөндірілді. Улы газдан улану жағдайлары оның жану өнімдерінде газдың толық жанбауы кезінде пайда болады, онда адам ағзасына әсер ететін улы газ пайда болады!", - делінген хабарламада.
Фото: ҚР ТЖМ баспасөз қызметінен
Еске салайық, 2019 жылғы ақпанда Нұр-Сұлтандағы Көктал-1 тұрғын алабында өрт 2006, 2009, 2014, 2016 және 2018 жылдары туған бес баланың өмірін жалмаған. Ол кезде жекеменшік үй маңында салынған шағын үй өртенген.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
