+7 (777) 001 44 99
ПОДЕЛИТЬСЯ
Павлодар облысында өрт орнынан табылған әйел адамның көмілген мәйітіне қатысты күдікті ұсталды, - деп хабарлайды Tengrinews.kz тілшісі өңірдің ішкі істер департаментінің баспасөз қызметіне сілтеме жасап. Өрт 7 қыркүйекте болған еді.
Павлодар облысында өрт орнынан табылған әйел адамның көмілген мәйітіне қатысты күдікті ұсталды, - деп хабарлайды Tengrinews.kz тілшісі өңірдің ішкі істер департаментінің баспасөз қызметіне сілтеме жасап. Өрт 7 қыркүйекте болған еді.
"Табылған мәйіт - Павлодардың 1957 жылы туған тұрғынынікі, із-түссіз жоғалып кеткендіктен осы жылдың 28 тамызында бұл әйелге іздеу жарияланған", - деп хабарлады департаменттің баспасөз қызметі. Полицияның мәліметінше, әйел кісі қолынан өлген. "Бұл дерек бойынша "Кісі өлтіру" бабымен қылмыстық іс қозғалды. Қазіргі уақытта қылмысқа күдікті ер адам ұсталды. Тергеу жүріп жатыр", - дейді баспасөз қызметінің өкілдері.
Павлодар тұрғынының жоғалып кеткені туралы ақпарат 3 қыркүйек күні әлеуметтік желілерде пайда болды. Кейін қолданушылардың бірі әйелді өз үйіне сол күні жеке жүргізушісінің жеткізіп тастағанын жазды. Содан кейін әйелді ешкім көрмеген.
Еске салайық, көмілген мәйіт Павлодар - Шербақты тас жолының 35-шақырымындағы орманды алқапта болған өрт орнынан табылды. Полиция күдіктінің бұл жерді қылмысты жасыру үшін өртеуі мүмкін екенін жоққа шығармайды. Тілсіз жау көп ұзамай ауыздықталды, алты гектар жер жанып кеткен.
