+7 (777) 001 44 99
ПОДЕЛИТЬСЯ
18 жастағы Назерке Әріптің туыстары қызды өлтірген ер адамның ұсталуына қатысты пікір білдірді, - деп хабарлайды Tengrinews.kz тілшісі.
18 жастағы Назерке Әріптің туыстары қызды өлтірген ер адамның ұсталуына қатысты пікір білдірді, - деп хабарлайды Tengrinews.kz тілшісі.
"Сот әлі болған жоқ. Әрине, қылмыскерді барынша қатаң жазалануын талап етеміз", - деді қыздың туыстары.
Кейбір мәліметтерге сүйенсек, ұсталған такси жүргізушісінің осыған ұқсас тағы бір қылмысқа қатысы бар және осыған дейін сотты болған.
Айта кетейік, бүгін 18 жастағы Назерке Әріпті өлтірген такси жүргізушісі ұсталды. "Күдікті уақытша ұстау изоляторына қамалды. Ер адам кінәсін мойындады", - деп хабарлады Алматы қалалық ІІД криминалдық полиция басқармасының басшысы Жанболат Зиадин.
Еске сала кетейік, қыз биыл медициналық ЖОО-ға грантқа түсуді жоспарлаған болатын. Талапкер 10 шілдеде сағат 18.00-ден кейін байланысқа шықпаған. Назеркенің отбасы Алматы маңындағы Талғар ауданында орналасқан Тұздыбастау ауылында тұрады.
Назерке Әріп - биыл мектеп бітіріп, ҰБТ-дан 100 балл алған. Қыз Асфендияров атындағы қазақ ұлттық медициналық университетіне түскісі келген. Құрбысы хабарландыруда көрсетілген мерзімнің дұрыс емес екенін және оның 10 шілдеде жоғалғанын айтты.
Мұның алдында 18 жастағы түлек Назерке Әріптің анасы қызды ұстап отыруы мүмкін деген адамдардан оны үйіне жіберуін сұраған еді.
Ал 6 қыркүйекте ұшты-күйлі жоғалған 18 жастағы қыз өлі табылған еді.
