15 маусым 2016 16:12

Өскеменде табылған сөмкенің ішінде жарылғыш заттың бөліктері болған

ПОДЕЛИТЬСЯ

© Tengrinews.kz © Tengrinews.kz

Өскемендегі "Қазцинк" маңынан табылған иесіз сөмкенің ішінде жарылғыш жабдықтың бөліктеріне ұқсас заттар болған, - деп хабарлайды Tengrinews.kz тілшісі ШҚО ІІД-нің баспасөз хатшысы Бақытжан Торғаевқа сілтеме жасап.


Өскемендегі "Қазцинк" маңынан табылған иесіз сөмкенің ішінде жарылғыш жабдықтың бөліктеріне ұқсас заттар болған, - деп хабарлайды Tengrinews.kz тілшісі ШҚО ІІД-нің баспасөз хатшысы Бақытжан Торғаевқа сілтеме жасап.

Полицейлердің мәліметінше, сөмкені саперлер тексеріп шыққаннан кейін оның ішіндегі заттың тұрғындарға қауіп төндірмейтінін анықтады. "Дегенмен, ондағы металдар жарылғыш зат жасауға арналған компоненттерге ұқсас болып шықты. Қазір олар тексеру үшін Қорғаныс министрлігінің мамандарына берілді, - делінген хабарламада.

"Бір қарағанда металл заттар жарылғыш заттың компоненттеріне ұқсайды. Дегенмен оның қаншалықты қауіпті екені мамандардың тексеруінен кейін анықталады", - деді Торғаев.

Еске сала кетейік, бүгін таңертең Өскеменде күмәнді сөмке үшін "Казцинк" аумағы қоршауға алынған болатын. "Бүгін сағат 7.30-да 102 номеріне "Казцинк" маңындағы Промышленная көшесінен кенеп сөмке табылғаны туралы ақпарат келіп түсті. Оқиға орнына полицейлер, құтқарушылар мен саперлер дереу жетті", - деді ШҚО ІІД баспасөз хатшысы Бақытжан Торғаев сол кезде.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети