05 қазан 2015 18:55

Павлодарда күзетшілердің ақша ұрлаған сәті видеоға түсіп қалды

ПОДЕЛИТЬСЯ

© ok.ru © ok.ru

Павлодарда "Күзет" қызметкерлері сауда үйін тонады деген күдік пайда болды, - деп хабарлайды Tengrinews.kz тілшісі облыстық ІІД-ға сілтеме жасап.


Павлодарда "Күзет" қызметкерлері сауда үйін тонады деген күдік пайда болды, - деп хабарлайды Tengrinews.kz тілшісі облыстық ІІД-ға сілтеме жасап.

Күзет фирмасының қызметкерлеріне қатысты "Рубин" сауда үйіндегі бутиктердің бірінен ақша ұрлады деген күдік бар. "Полицияға сауда үйінің біріндегі бутикті жалға алушы арызданды. Ол күзет фирмасының қызметкерлері 150 мың теңгені бутиктің кассасынан ұрлады деп хабарлады. Бұл дерекке қатысты сотқа дейінгі тергеу жүріп жатыр", - деді департаменттегілер. Қазіргі таңда Павлодар полицейлері 1985 жылғы күзетшіден күдіктеніп отыр, ол ешқайда кетпеу туралы қолхатпен босатылды. Екінші қызметкердің аты-жөні әлі анықталған жоқ.

© ok.ru

Айта кетейік, күзетшілердің әрекеті бутиктегі жасырын камераға түсіп қалған. Камералар кассадан ақша жоғала бастағаннан кейін орнатылыпты. "Біз бұл бутикті үш жылдан бері жалға алып келеміз, ұсақ ақшаны әрдайым қалдырамыз. Күзетшілерге сендік, аймақ күзетіледі. Біз олар ұры болып шығады деп ойлаған емеспіз", - деді зардап шеккендердің бірі Максим Жернаков.

© ok.ru

Видеодан ер адамдардың бірінің кассаға барғанын көруге болады. Осыдан кейін бутиктегі жарық сөндіріліп, біраздан кейін қайта жанады. Осы кезде "Күзет" фирмалық киімін киген қызметкер келіп, кассаға қарай жақындайды. Полицейлердің хабарлауынша, қазіргі таңда тек бір кәсіпкерден арыз түсті. Бірақ зардап шеккендер көп болуы мүмкін.


© ok.ru

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети