19 қаңтар 2018 14:09

Полицейдің жағасынан алған BMW X5 жүргізушісі көлігін заңсыз жолмен тіркеген болып шықты

ПОДЕЛИТЬСЯ

Видеодан алынған кадр Видеодан алынған кадр

Алматыда полицейдің жағасынан алған BMW X5 жүргізушісіне қатысты жаңа деректер белгілі болды. Қалалық ішкі істер департаментінің өкілдері қырғызстандық көліктің Алматыда қандай жолмен тіркелгенін айтып берді, - деп хабарлайды Tengrinews.kz тілшісі. 


Алматыда полицейдің жағасынан алған BMW X5 жүргізушісіне қатысты жаңа деректер белгілі болды. Қалалық ішкі істер департаментінің өкілдері қырғызстандық көліктің Алматыда қандай жолмен тіркелгенін айтып берді, - деп хабарлайды Tengrinews.kz тілшісі. 

Алматы ІІД-нің ресми өкілі Салтанат Әзірбектің мәліметінше, тергеу барысында BMW X5 көлігінің құжаттары жалған екені анықталған.

"Көліктің тіркеу куәлігінде оның РФ ішкі істер органдарынан тіркеуден шығарылғаны көрестілген. Алайда Ресейдің бұл органдарының мәліметінше, көлік РФ аумағында тіркеуде тұрмаған және тіркеуден шығарылмаған. 2015 жылы көлік Ф. атты азаматтың 1963 жылы туған Т. есімді енесінінің атына тіркелген. Әйел құжаттарды өткізіп, жалған мәліметтер бергені үшін құқықтық жауапкершілікке тартылатыны туралы арыз жазған. Осының негізінде көлік тіркеуге қойылды. Иесі ретінде әйел адам жауапкершілікке тартылады", - дейді Әзірбек. 

Сонымен бірге, құжаттарды қолдан жасау дерегі арнайы ХҚКО әкімшілік полиция басқармасының тіркеу-емтихан жұмыстары бөлімінде тіркелген. Іс Алатау аудандық ІІБ-ге берілді, онда жалған құжат дерегі бойынша сотқа дейінгі тергеу басталады. 

Мұның алдында BMW X5 жүргізушісіне көліктің бұрынғы иесі арыз бергені хабарланған. Бішкек қаласының тұрғыны Мұрат Осмонов Tengrinews.kz тілшісіне 2015 жылы 27 шілдеде BMW X5 автокөлігін қазіргі иесіне келісімді толық аяқтау үшін екі айға сенімхатпен сатқанын айтып берген болатын. Осмонов қолына көлік құнының жартысын -10 мың АҚШ долларын алған, ал қалған сома 2017 жылдың 27 қазанына дейін беріледі деп келіскен. Осмоновтың арызы ҚР ҚК-нің 190-бабы "Алаяқтық" бойынша СДТБТ-ға тіркелді. 

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети