25 маусым 2014 10:26

Суарес футбол матчтарына қатысу құқығынан екі жылға айырылуы мүмкін

ПОДЕЛИТЬСЯ

Луис Суарес және Джорджо Кьеллини. Фото ©Getty Images Луис Суарес және Джорджо Кьеллини. Фото ©Getty Images

Бразилияда өтіп жатқан әлем чемпионатының топтық қорытынды кезеңінің матчында Уругвай құрамасының шабуылшысы Луис Суарес италиялық қорғаушыны тістеп алғаны үшін екі жылға дисквалификациялануы мүмкін, - деп хабарлайды Tengrinews.kz Vesti.kz-ге сілтеме жасап.


Бразилияда өтіп жатқан әлем чемпионатының топтық қорытынды кезеңінің матчында Уругвай құрамасының шабуылшысы Луис Суарес италиялық қорғаушыны тістеп алғаны үшін екі жылға дисквалификациялануы мүмкін, - деп хабарлайды Tengrinews.kz Vesti.kz-ге сілтеме жасап.

ФИФА бұл даулы эпизодты тексеретінін мәлімдеді. Ұйымның вице-президенті Джим Бойс Суареске қатысты шара қолдану қажеттігін алға тартты. "Мен осы сәтті теледидардан бірнеше рет көрдім. Сөз жоқ, Луис Суарес - тамаша футболшы, бірақ оның бұл әрекеті өте қатал сынға лайық. ФИФА осы жағдайды өте жіті тексеріп, тәртіпке шақыратындай тиісті шара қолданғаны жөн", - деді ол. 

ФИФА-ның Тәртіп кодексіне сәйкес, Суарестің бұл әрекеті қатаң жазалануы тиіс. Ол 24 матчқа қатысу құқығынан айырылуы мүмкін немесе екі жыл бойы ойыннан шеттетіледі. 

Айта кету керек, ӘЧ-2014 1/8 финалына жолдамаға таласқан Уругвай мен Италия матчының 80-минутында Суарес Кьеллинидің иығынан тістеп алды. Бас төреші Марко Родригес бұл жағдайды байқамағандықтан уругвайлық ойыншыны жазалаған жоқ. Осы матчта Суарестің командасы 1:0 есебімен жеңіске жетті. 

Бұған дейін "Ливерпуль" командасының сапында ойнаған Суаресті Англияның футбол қауымдастығы "Челси" командасының қорғаушысы Бранислав Ивановичті тістегені үшін он матчқа қатысу құқығынан айырған болатын. 

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети