Алматы әуежайында тұманға байланысты оннан аса рейс кейінге қалдырылды, - деп хабарлайды Tengrinews.kz тілшісі.
Әуежайдың анықтама қызметінің мәліметінше, қолайсыз ауа райына байланысты мына бағыттар бойынша рейстер кешіктірілді: Алматы - Қостанай; Алматы - Петропавл; Алматы - Ақтөбе; Алматы - Павлодар; Алматы - Астана; Алматы - Қарағанды; Алматы - Үрімші және Алматы - Шымкент. Рейстер 30 минуттан 6-7 сағатқа дейін кешігіп жатыр.
Анықтама қызметінің ақпараттары бойынша, Алматыға ұшып келу бойынша рейстер осы бағыттарда кешіктірілген. Сонымен қатар, Алматы әуежайының онлайн-таблосындағы мәліметтер бойынша, Астанадан үш рейс кешіктірілді, Шымкенттен екеу, Делиден екеу және Дубайдан біреу.
