21 сәуір 2014 16:37

Ардагерлерге берілетін төлемдердің мөлшері жергілікті бюджетке байланысты

ПОДЕЛИТЬСЯ

©Тұрар Қазанғапов ©Тұрар Қазанғапов

9 мамырға орай Ұлы Отан соғысы ардагерлеріне берілетін біржолғы төлемдердің көлемі жергілікті бюджеттің мүмкіндігіне қарай белгіленген, - деп хабарлайды Tengrinews.kz тілшісі ҚР Еңбек және халықты әлеуметтік қорғау министрі Тамара Дүйсеноваға сілтеме жасап.


9 мамырға орай Ұлы Отан соғысы ардагерлеріне берілетін біржолғы төлемдердің көлемі жергілікті бюджеттің мүмкіндігіне қарай белгіленген, - деп хабарлайды Tengrinews.kz тілшісі ҚР Еңбек және халықты әлеуметтік қорғау министрі Тамара Дүйсеноваға сілтеме жасап.

"Аймақтар арасында бюджеттің мүмкіндігіне қарай тікелей облыс әкімдері қарастыратын мәселелер бар", - деді Дүйсенова Tengrinews.kz тілшісінің "соғыс ардагерлеріне арналған төлемдер не себепті әр аймақта әртүрлі көлемде?" деген сұрағына.

Министрдің айтуынша, келесі жылы төлем төлеу жүйесінде өзгеріс болады. "Бүгінде біз жоба әзірледік, оған сай, мысалы, Алматы бәріне бірдей, Шығыс Қазақстан облысы бәріне бірдей көлемде төлем жасайтын болады", - дейді Дүйсенова.

Еске сала кетейік, 2012 жылы Еңбек және халықты әлеуметтік қорғау министрлігі елімізде мерекелер мен айтулы күндерде азаматтардың жекелеген санатына берілетін әлеуметтік көмек мөлшерінің теңестірілетінін мәлімдеген болатын. Ол кезде министрліктің басшысы Серік Әбденов болды. Биыл Жеңіс күні қарсаңында ардагерлерге төленетін біржолғы көмектің мөлшері әр аймақта әртүрлі болды, Астанада соғыс ардагерлері 150 мың теңге алса, Қызылордада - 140 мың, Қостанай облысында - 46 300 теңге.

 

 

 

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети