21 желтоқсан 2016 12:48

Астанада 33 градусқа дейін аяз болады

ПОДЕЛИТЬСЯ

© Тұрар Қазанғапов © Тұрар Қазанғапов

Астанада осы жұма күні 33 градусқа дейін аяз болады, - деп хабарлайды Tengrinews.kz тілшісі елорданың сайтына сілтеме жасап.


Астанада осы жұма күні 33 градусқа дейін аяз болады, - деп хабарлайды Tengrinews.kz тілшісі елорданың сайтына сілтеме жасап.

Синоптиктердің мәліметінше, 21 желтоқсанда Астанада көшпелі бұлт шығып, қар жауады. "Түнде және таңертең бұрқасын болады. Оңтүстік-батыстан соққан жел солтүстік-шығысқа ауысып, жылдамдығы 9-14 м/с жетеді, түнде және таңертең 15-20 м/с дейін күшейеді. Ал сынап бағанасы түнде -13...-15 градусқа дейін төмендейді", - делінген елорданың сайтында.

22 желтоқсанда да осындай ауа райы сақталады, күн бұлтты, оқтын-оқтын қар жауады, бұрқасын тұрады. Оңтүстік-шығыстан 9-14 м/с жылдамдықпен соққан жел 15-20 м/с дейін күшейеді. Ауа температурасы түнде -22-24 градус болса, күндіз -12-14 градус болады.

23 желтоқсанда көшпелі бұлт шығады,қар жауады, бұрқасын тұрады. 15-20 м/с жылдамдықпен жел соғады, ауа температурасы түнде -31-33 градус, ал күндіз -21-23 градусқа дейін барады.

Елорда әкімдігіндегілердің айтуынша, қазіргі уақытта елорданың коммуналдық қызметтері күшейтілген режимде жұмыс істеп жатыр. Өткен тәулікте 20-21 желтоқсанда қала бойынша 2 093 арнайы техника жұмыс істеді. Қаланы қар мен мұздан санитарлық тазартуға 2 524 жол жұмыскері тартылған.

Астана қаласы Төтенше жағдайлар департаментінің хабарлауынша, желдің күшеюіне және жолдың нашар көрінуіне байланысты халықаралық тасжолдар мен республикалық маңыздағы магистральдарда енгізілген шектеу сақталуда.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети