+7 (777) 001 44 99
ПОДЕЛИТЬСЯ
Астанадағы сауда және ойын-сауық орталығының кинотеатрында болған оқиғаға қатысушы Қуаныш Турагелдиевке қатысты "кепіл" бұлтартпау шарасы қолданылды. Бұл туралы Астана прокуратурасының Tengrinews.kz тілшісінің сауалына берген жауабында айтылған.
Астанадағы сауда және ойын-сауық орталығының кинотеатрында болған оқиғаға қатысушы Қуаныш Турагелдиевке қатысты "кепіл" бұлтартпау шарасы қолданылды. Бұл туралы Астана прокуратурасының Tengrinews.kz тілшісінің сауалына берген жауабында айтылған.
Прокуратурадағылардың мәлімдеуінше, Турагелдиевке қатысты сотқа дейінгі өндіріс қатаң бақылауға алынған.
"Күдікті Турагелдиевке тағылған айып, яғни "Бұзақылық" бабы аса ауыр қылмыс түріне жатпайтынын ескеретін болсақ, ҚПК 147-бабына сәйкес, "тұтқындау" түріндегі бұлтартпау шарасы қарастырылмаған, 17 қыркүйекте қылмыстық қудалау органдарымен оған қатысты "кепіл" бұлтартпау шарасы қолданылды", - делінген прокуратураның жауабында.
Қазір сотқа дейінгі өндіріс бойынша жан-жақты, толық және әділ тергеу жүргізу үшін, істі дұрыс шешу мақсатында қажетті және тиісті заңды шаралар қолданылып жатыр. Қылмыстық қудалау органдарының тергеу нәтижелері бойынша соңғы процессуалдық шешім қабылданады.
Еске сала кетейік, Астана қалалық аймақтық ішкі істер басқармасының мәліметінше, 14 қыркүйекте ІІД жедел басқарма орталығының 102 қызметінің пультіне 21 жастағы қыз хабар беріп, елордадағы сауда және ойын-сауық орталықтарының біріндегі кинотеатрда белгісіз біреудің шу шығарып, дене жарақатын салғанын мәлімдеген. Бұл оқиғаның видеосы 14 қыркүйекте таралған болатын.
Кейін күдіктінің Турагелдиев екені анықталды. Ол айтарлықтай себебі болмаса да жәбірленуші азаматшаға қатысты бұзақылық жасап, дене жарақатын салған.
17 қыркүйекте Турагелдиевтің әкесі Болат Турагелдиевтің Қазақстан премьер-министрінің кеңсесіндегі қызметінен кету туралы арыз бергені белгілі болды.
