+7 (777) 001 44 99
ПОДЕЛИТЬСЯ
Бүгінде Қазақстанға бизнестің икемсіз жүйесі қалыптасқан. Ал ол кез келген жағдайға бейімделе білуі тиіс. Ақордада өтіп жатқан Ұлттық инвесторлар кеңесінде Мемлекет басшысы Нұрсұлтан Назарбаев осы мәселені ерекше атап өтті, - деп хабарлайды Tengrinews.kz тілшісі.
Бүгінде Қазақстанға бизнестің икемсіз жүйесі қалыптасқан. Ал ол кез келген жағдайға бейімделе білуі тиіс. Ақордада өтіп жатқан Ұлттық инвесторлар кеңесінде Мемлекет басшысы Нұрсұлтан Назарбаев осы мәселені ерекше атап өтті, - деп хабарлайды Tengrinews.kz тілшісі.
Президент атап көрсеткендей, бас кезінде қазақстандық бизнестің тәжірибесі болмаған. Содан көптеген қателіктер де болды. "Қазір болса, біз кезінде басқа жерден сұраған нәрсені өз жерімізде жасайтындай деңгейге жеттік. Мемлекет те өз көмегін бере алады. Сондықтан сіздер (отандық кәсіпкерлер - авт.) елімізді ішкі инвестициялардың арқасында, өздерің тапқан табыстың негізінде көтере аласыздар", - деді Н.Назарбаев.
Мемлекет басшысы ірі кәсіпкерлікті емес, шағын және орта бизнесті дамыту жұмысына ерекше мән беру керек деп санайды. "Негізі, 30-40 мың адам жұмыс істейтін ірі өндірістер икемсіз болып келеді. Мәселен, кеше мен баспасөз беттерінен Қытайда 100 шаршы метр үйді үш-ақ күннің ішінде соғатыны туралы оқыдым. Міне, қазіргі бизнестің бет алған бағыты осы. Егер біреу 5-50 адам істейтін кәсіп ашып, оны қазіргі бесекеге барынша икемді қылса, былайша айтқанда, ол бір кәсіптен екінші кәсіпке оп-оңай ауыса алатындай болса, бізге нағыз керегі сол", - деп атап көрсетті Президент.
