16 шілде 2020 10:00

Ғалым Қазақстандағы "белгісіз пневмония" туралы пікірін айтты

ПОДЕЛИТЬСЯ

Талғат Мүмінов. © kazpravda.kz Талғат Мүмінов. © kazpravda.kz

Медицина ғылымдарының докторы, профессор, академик, физиатр дәрігер және инфекциялық ауруларды емдеу бойынша кітаптың авторы Талғат Мүмінов "Казахстанская правда" басылымына берген сұхбатында Қазақстандағы "белгісіз пневмония" туралы пікірін айтты. 


Медицина ғылымдарының докторы, профессор, академик, физиатр дәрігер және инфекциялық ауруларды емдеу бойынша кітаптың авторы Талғат Мүмінов "Казахстанская правда" басылымына берген сұхбатында Қазақстандағы "белгісіз пневмония" туралы пікірін айтты. 

Маманға "Қазақстан коронавирустың ерекше белгісіне тап болды деуге негіз бар ма?" деген сұрақ қойылған. 

"Бізде осы инфекция туралы қалыптасқан пікірлерді қайта қарастыруға негіз жоқ деп ойлаймын. Бұл аурудың тарауына әлеуметтік тамырлар себеп болған шығар. Біз әдеттегі өмір салтына қайта оралып, қатаң оқшауланудан бас тарттық. Қате мемлекеттік деңгейде ғана емес, көптеген тұрғынның ой-санасында болды: эпидемияның аяқталғанына тым ерте сеніп, босаңсып қалды.

Меніңше, пневмонияның қандай да бір ерекше "қазақстандық" түрі туралы қауесет тым асыра сілтелген. Мұндай тұжырымдар аурудың себептерін дұрыс түсіндірмеу, сапалы диагностиканың жетіспеуі және шатасу мен дүрбелеңге байланысты шығар.

Мен маман ретінде ғана емес, сонымен қатар осы проблеманы жеке басынан өткерген адам ретінде де айта аламын: бүкіл отбасым ковидті пневмониямен ауырды, қазір біз оңалтудан өтіп жатырмыз. Менің пікірім тек нығайды: біздің денсаулық сақтау саламыз науқастың көпшілігіне көмектесе алады және көмектесіп жатыр. Дәрігерлер тәжірибе жинақтап, емдеудің тиімді тактикасын тапты", - деді Мүмінов.

Сонымен бірге, маман ковидті пневмонияның осы аурудың басқа түрлері мен формаларынан ерекшеленетінін атап өтті.

"Ковидті пневмония - бұл респираторлық жүйеге әсер ететін классикалық өткір қабыну ауруы, бірақ өзіндік ерекшелігі бар. Ауыр сатыларда капиллярлар бұзылады, газ алмасу мен оттегі жүретін жер өкпеден қанға өтеді. Зақымдалған капиллярлар мен мембраналардың орнында микротромбтардан тосқауыл пайда болады. Бұл процесс қайғылы аяқталуы мүмкін - өкпеге сұйықтық жиналуы және оның ісінуі", - деді маман. 

Оның айтуынша, дәрігерлер ең ауыр жағдайдағы науқастарды да құтқарып үйренген. Бірақ, өкінішке қарай, бәрін емес, дейді ол.

"Процестер бақыланбайтын жағдайлар бар. Қауіп факторлары болады: адамның қарт болуы, қатар жүретін аурулар, иммунитеттің әлсіреуі. Мұндай жағдайда организм вирустың шабуылына төтеп бере алмайды", - деді ҚР Ұлттық ғылым академиясының академигі.

Қазақстан жаңалықтары. Соңғы жаңалықтар. Telegram желісінде бізге жазыл! 

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети