16 сәуір 2014 16:08

Капиталды заңдастырудан миллиардтаған доллар түседі

ПОДЕЛИТЬСЯ

 ©Lenta-ua.net ©Lenta-ua.net

Капиталды заңдастыру науқаны сәтті өтсе, ел экономикасына миллиардтаған долларды тартуға болады, - деп хабарлайды Tengrinews.kz тілшісі Ұлттық банк төрағасы Қайрат Келімбетовке сілтеме жасап. 


Капиталды заңдастыру науқаны сәтті өтсе, ел экономикасына миллиардтаған долларды тартуға болады, - деп хабарлайды Tengrinews.kz тілшісі Ұлттық банк төрағасы Қайрат Келімбетовке сілтеме жасап. 

Ұлттық банк төрағасы атап көрсеткендей, ағымдағы жылдың бірінші жартыжылдығында тиісті заңнама қабылдануы тиіс. Одан кейін халық арасында түсіндіру жұмыстары басталады. Ал екінші жартыжылдықта капиталды заңдастыру науқанының өзі басталады. Жоспар бойынша аталған акция келесі жылы аяқталады. Ал 2017 жылғы 1 қаңтардан бастап Қазақстан табыс көздерін жалпыға бірдей жариялауға көшеді. Одан кейін ондай шара шығыс көздеріне де қолданылмақ. "Демек, сол кезден бастап әрбір азаматтың табысы мен шығысына қатысты қатаң талаптар болады. Біле-білсек, жақында ондай шаралар дамыған елдерде енгізілді. Олар да соның алдында халыққа ақша мен мүлікті заңдастырып алуға мүмкіндік берді", - деді Қ.Келімбетов бүгін Орталық коммуникациялар қызметінде өткен баспасөз мәслихатында. 

Әрине, халық арасында үрей-қорқыныш болады. Оны бас банкир де түсініп отыр. Алайда капиталды заңдастыру үшін барлық жағдай жасалатын болады. Бұған дейін қаржы министрі Бақыт Сұлтанов атап көрсеткендей, ақшаны заңдастыратын азаматтар қылмыстық, әкімшілік және тәртіптік жазадан босатылады. "Ол ақша туралы есеп берудің қажеті жоқ. Өкінішке қарай, қазір ел аумағынан қанша ақшаның кеткені және қай жерге құйылғаны туралы нақты ақпарат жоқ. Алайда біз шамамен есептеп көрдік. Егер біз бәрін дұрыс жеткізе алатын болсақ, ақшаны заңдастыратын азаматтарға кепілдік беріп, халықты сендіре алсақ, ол науқаннан миллиардаған доллар түседі", - дейді Ұлттық банк төрағасы.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети