+7 (777) 001 44 99
ПОДЕЛИТЬСЯ
Қазақстан Ресейден дизель отынын темір жол көлігімен әкелуге бір айға тыйым салды, - деп хабарлайды Tengrinews.kz тілшісі Қазақстанның энергетика министрлігінің баспасөз қызметіне сілтеме жасап.
Қазақстан Ресейден дизель отынын темір жол көлігімен әкелуге бір айға тыйым салды, - деп хабарлайды Tengrinews.kz тілшісі Қазақстанның энергетика министрлігінің баспасөз қызметіне сілтеме жасап.
"Қазақстан Республикасы Энергетика министрлігі 2004 жылғы 12 сәуірдегі "Сауда қызметін реттеу туралы" Қазақстан Республикасының Заңының 18-бабының 1-тармағына сәйкес ҚР Инвестициялар және даму министрлігімен және ҚР Ұлттық экономика министрлігімен келісілген түрде "Қазақстан Республикасына мұнай өнімдерін жеткізудің кейбір мәселелері туралы" бұйрыққа қол қойылды. № 287 Бұйрықтың 1 тармағы: "Ресей Федерациясынан Қазақстан Республикасына дизель отынын темір жол көлігімен әкелуге 2015 жылдың 20 сәуірінен 20 мамырына дейінгі мерзімге тыйым салу енгізілсін", - делінген хабарламада.
Еске сала кетейік, бұған дейін Ресейден жанармай тасымалдауға тыйым салудан Қазақстанда жанармай тапшылығы болмайды деп хабарланған болатын. Бұл туралы "ҚазМұнайГаз-өңдеу және маркетинг" бас директорының орынбасары Ерлан Қойбағаров мәлімдеген еді. Оның айтуынша, тыйым салынғалы бері 45 күнге жуық уақыт өтті. Сонымен қатар, ол Қазақстан зауыттары мен мұнай базаларында шамамен екі айға жететін жанармай мен дизель отыны қорының бар екенін хабарлады. Бұған дейін қазақстандық кейбір сарапшылар Ресейден жанар-жағармай тасымалдауға биыл 5 наурызда енгізілген тыйымның салдарынан Қазақстанда жанамай тапшылығы болып, бензин мен дизель отынының бағасы көтеріледі деп мәлімдеді.
