+7 (777) 001 44 99
ПОДЕЛИТЬСЯ
Қазақстанда 1 миллион 191 мың 800 адам халыққа қызмет көрсететін және зейнетақы төлейтін мемлекеттік орталықтың бөлімшелері жоқ ауылдық елді мекендерде тұрады, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап. Бұл - халықтың 15,4 пайызы.
Қазақстанда 1 миллион 191 мың 800 адам халыққа қызмет көрсететін және зейнетақы төлейтін мемлекеттік орталықтың бөлімшелері жоқ ауылдық елді мекендерде тұрады, - деп хабарлайды Tengrinews.kz тілшісі ҚР Денсаулық сақтау және әлеуметтік даму министрлігінің баспасөз қызметіне сілтеме жасап. Бұл - халықтың 15,4 пайызы.
Баспасөз қызметінің мәліметінше, мамыр айынан бастап аудан орталықтарынан алыс елді мекендерде тұратын азаматтар үшін "Қазпошта" акционерлік қоғамы және мобильді халыққа қызмет көрсету орталықтарының мамандары зейнетақы мен жәрдемақы тағайындауға, сондай-ақ, медициналық-әлеуметтік сараптама қызметінің мүгедектікті белгілеуіне құжаттарды қабылдайды.
"Қазіргі уақытта ел тұрғындарының 15,4 пайызы Халыққа қызмет көрсету орталықтары және Зейнетақы төлеу жөніндегі мемлекеттік орталықтың бөлімшелері жоқ ауылдық елді мекендерде тұрады. Азаматтарға қызметтер көрсету (құжаттарды қабылдау және есеп-шот ашу) олардың тұратын жерлеріне барып көрсетіліп, жайлылық пен оңайлатылған тәртіпті қамтамасыз етіп, мемлекеттік қызметке кететін шығын мен уақытты үнемейді", - делінген хабарламада.
Еске сала кетейік, 17 ақпанда ҚР Денсаулық сақтау және әлеуметтік даму министрлігінде өткен кеңейтілген алқа мәжілісінде министр Тамара Дүйсенова министрлік мамандарының денсаулық сақтау және әлеуметтік-еңбек салаларында ұсынылатын қызметтер сапасын арттыруға күш салатынын мәлімдеген болатын.
