+7 (777) 001 44 99
ПОДЕЛИТЬСЯ
Көкшетау тұрғындары автобус паркінің әкімшілігіне автобустардағы Wi-Fi қызметінің жұмыс істемейтіні туралы көп шағым айта бастады. "Көкшетау автобустар паркі" ЖШС директоры Әсия Шаримова Тengrinews.kz тілшісіне мұндай мәселенің бар екенін мәлімдеді. Оның айтуынша, сымсыз желі тек бес автобусқа ғана орнатылған.
Көкшетау тұрғындары автобус паркінің әкімшілігіне автобустардағы Wi-Fi қызметінің жұмыс істемейтіні туралы көп шағым айта бастады. "Көкшетау автобустар паркі" ЖШС директоры Әсия Шаримова Тengrinews.kz тілшісіне мұндай мәселенің бар екенін мәлімдеді. Оның айтуынша, сымсыз желі тек бес автобусқа ғана орнатылған.
"Модем көне немесе басқа бір проблема бар. Wi-Fi үзіліп жұмыс істейді. Екі сағат жақсы жұмыс істесе, одан кейін қайтадан кірмей қалады. Модемді өшіріп, қайта қосса қалпына келеді. Әрине, өте ыңғайсыз. Бірақ бұл біздің модем емес, мәселе интернет орнатушыларда. Автобус паркі техникалық ақауға жауапкершілік алмайды. Біз провайдерлермен сөйлестік, бұл тек біздегі мәселе емес, Қазақстанның қалған 7 қаласындағы автобустарда да Интернет істемей қалады екен", - деді Шәрімова.
Оның айтуынша, провайдер мәселені жақын арада шешіп береді. Соған орай жаңа құрылғыларды қою жоспарланып отыр. Еске сала кетейік, Wi-Fi bus жобасы 2013 жылы іске асырыла бастады. Одан бері Қазақстанның қалаларындағы 200 автобусқа Wi-Fi орнатылды. Олардың ішінде Қостанай, Көкшетау, Қарағанды, Қызылорда, Петропавл, Түркістан, Орал, Алматы және Астана бар.
