02 қараша 2015 14:53

Назарбаев Ақордада АҚШ-тың мемлекеттік хатшысы Джон Керриді қабылдады

ПОДЕЛИТЬСЯ

Назарбаев Ақордада АҚШ-тың мемлекеттік хатшысы Джон Керриді қабылдады, - деп хабарлайды Tengrinews.kz тілшісі Ақордаға сілтеме жасап. Айта кетейік, бұл Джон Керридің Қазақстанға алғашқы сапары.


Назарбаев Ақордада АҚШ-тың мемлекеттік хатшысы Джон Керриді қабылдады, - деп хабарлайды Tengrinews.kz тілшісі Ақордаға сілтеме жасап. Айта кетейік, бұл Джон Керридің Қазақстанға алғашқы сапары.

"Таяуда мен Нью-Йоркте АҚШ Президенті Барак Обамамен кездестім, екіжақты ықпалдастық мәселелері жөнінде сөйлестік. Біздің республикамыз желтоқсанда 24 жылдығы тойланатын тәуелсіздігінің алғашқы күндерінен бері Сіздің елмен ынтымақтасып келеді, егемендігіміз бен экономикамыздың дамуына ұдайы көрсетіліп келе жатқан қолдау үшін Қазақстан халқы риза. Бүгінде елімізде америкалық капиталдың қатысуымен 500-ге жуық компания жұмыс істейді. Біз осы жұмысты жалғастыруға ниеттіміз", - деді Мемлекет басшысы.

Нұрсұлтан Назарбаев Қазақстан мен АҚШ ядролық қарусыздану және таратпау мәселесі бойынша да ынтымақтасып отырғанын айтты. Осыған байланысты Барак Обаманың бұл бағыттағы бастамаларына Мемлекет басшысы қолдау білдірді.

Нұрсұлтан Назарбаев пен Барак Обаманың Нью-Йоркте өткен ядролық қаруды таратпау, қарулы экстремизмге қарсы іс-қимыл, Ауғанстандағы жағдай және ДАИШ топтарына қарсы күрес мәселелері талқыланған келіссөздерінің  қорытындысын АҚШ Мемлекеттік хатшысы жоғары бағалайтынын атап өтті.  

Сонымен қатар, Джон Керри Қазақстан мен АҚШ-тың тығыз серіктестігі Бес институционалдық реформа мен "100 нақты қадам" Ұлт жоспарын жүзеге асыру ісіне елеулі ықпал ететініне сенім білдірді.

"АҚШ расында да Қазақстандағы ірі инвесторлардың бірі болып саналады. Бүгін мен Америка сауда палатасының Қазақстандағы өкілдерімен кездестім. Олар өздерінің Сіздің елде қол жеткізген табысына қанағаттанатындарын білдірді", - деді АҚШ Мемлекеттік хатшысы. 

 

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети