25 ақпан 2015 19:33

Рахат Әлиевтің өзін-өзі өлтіргені сараптаманың алдын ала нәтижесінде дәлелденді

ПОДЕЛИТЬСЯ

Рахат Әлиев. ©Johannes Kemmayer Рахат Әлиев. ©Johannes Kemmayer

Рахат Әлиев мәйітіне жасалған сараптаманың алдын ала қорытындысы оның суицид жасағанын дәлелдеді, бұл туралы Вена прокуратурасы жетекшісінің орынбасары Герхард Ярош мәлімдеді, - деп хабарлайды Тengrinews.kz тілшісі Austria Presse Agentur агенттігіне сілтеме жасап.


Рахат Әлиев мәйітіне жасалған сараптаманың алдын ала қорытындысы оның суицид жасағанын дәлелдеді, бұл туралы Вена прокуратурасы жетекшісінің орынбасары Герхард Ярош мәлімдеді, - деп хабарлайды Тengrinews.kz тілшісі Austria Presse Agentur агенттігіне сілтеме жасап.

"Мәйітті союдың алдын ала қорытындысы бойынша, Рахат Әлиевтің өліміне өзге тұлғалардың қатысы барына дәлел болатын ешқандай айғақ жоқ", - деп мәлімдеді Ярош. Мәйітті сот-медицина сараптамасы маманы сойды. Мұнымен қатар, Венаның қылмыстық іздестіру басқармасы оқиға болған жерге және түрмедегі бақылау камераларына түскен видеожазбаларға талдау жүргізді. "Бұл сараптама да Рахат Әлиевтің өзгелердің қолынан қаза таппағанын көрсетті", - деді Ярош.  

Оның айтуынша, тергеушілер қайтыс болған Рахат Әлиевтің қанына жасалған сараптаманың қорытындысын алуы тиіс. "Бұл мәліметтер бірнеше күннің ішінде алынады. (...) Өлімнің түпкілікті себебі мәйітті сою туралы жазбаша есепте көрсетіледі", - деді прокуратура өкілі.

Еске салайық, Қазақстанның Австриядағы бұрынғы елшісі Рахат Әлиев Йозефштадт түрмесінде қайтыс болған еді. Ақпарат құралдарының мәліметінше, ол 23 ақпан күні асылып қалған күйінде табылған. Кейін Австрияның әділет министрлігінің өкілдері бұрынғы елшінің өзін-өзі өлтіргенін растады. Бұл оқиғадан бұрын Әлиевтің үш орындық камерадан бір орындыққа ауысқаны белгілі болды.

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети