+7 (777) 001 44 99
Қазақша
Русский
English
08 қараша 2021 | 21:12
Ішкі істер министрлігі ресейлік нөмірдегі көлікті тіркеу туралы: Заңда басқа жолдары қарастырылмаған
ІІМ әкімшілік полиция комитеті төрағасының орынбасары Серік Түсіпов жүргізушілерге шетелдік нөмірлерді не істеу керегін айтты, - деп хабарлайды Tengrinews.kz тілшісі.
ПОДЕЛИТЬСЯ
ІІМ әкімшілік полиция комитеті төрағасының орынбасары Серік Түсіпов жүргізушілерге шетелдік нөмірлерді не істеу керегін айтты, - деп хабарлайды Tengrinews.kz тілшісі.
"Көлік құралын белгіленген тәртіппен тіркелуі керек деген заң талаптары негізінде қолдануға болады. Елімізде 4 миллион 200 мыңнан аса техника тіркелген, олар қазақстандық есепте тұр. Бұл талаптар кең көлемде сақталады. Сондықтан азаматтардың белгілі бір санаты үшін заңда басқа жолдары қарастырылмаған.
Бұл автокөліктерді тіркеу керек немесе оларды бұрынғы көлік иелерімен арада құқықтық мәселе шешілгенге дейін пайдаланбау керек деп ойлаймыз", - деді ІІМ ӘПК басшысының орынбасары.
Сондай-ақ, ІІМ өкілінен бұрынғы көлік иесі табылмаса не істеу керек екенін сұрады.
"Келісім азаматтық қатынастарға негізделеді. Бұл салада түсінік бере алмаймыз. Көлік құралдарын тіркеу үшін міндетті түрде құқық белгілейтін құжаттар қажет", - деді Серік Түсіпов.
Сонымен қатар, әкімшілік полиция комитеті басшысының орынбасары егер қолдарында сату-сатып алу шарты және сенімхат болмаса, Ресейде есептен шығарылған автокөлік иелеріне не істеу керек екенін айтты.
"Бұл жерде мәселені азаматтық салада шешу керек, өйткені бұл келісім іс жүзінде ғана жүзеге асырылды. Адамның осы көлік құралының пайдаланушысы және меншік иесі екендігі туралы сот шешімі болса, ол осы көлік құралына қатысты құқықтарын қорғай алады. Қалай болғанда да, мұндай көлік құралын тіркеусіз пайдалана алмайды", - деді ол.
Серік Түсіпов Қазақстанда көлікті есепке қою алгоритмі бірдей екенін атап өтті.
"Көлік құралдарын тіркеу ережелерінде қарастырылған құжат пакетін алып, көлік құралын ХҚКО-ға көрсету және тіркеу қажет. Шын мәнінде, алгоритм қазақстандық көлік құралдарын тіркеуімен бірдей. Яғни, Қазақстан азаматы Қазақстанның басқа азаматына елде тіркелген көлікті сататын жағдаймен бірдей. Көлікті сатып алушы өз атын тіркейді, өз атына техникалық паспорт алады. Яғни, бұл көлікке меншік құқығын, оны жол қозғалысына қатысуға рұқсат беру құқығын растайды", - деді ол.
Бұған дейін ІІМ Әкімшілік полиция комитеті ресейлік нөмірлері бар автомобильдерді тексеру туралы түсінік берген болатын. Ведомствода тамызда Қазақстан аумағына көршілес мемлекеттерден келетін көлікті тексеру басталғаны туралы хабарланды.
ІІМ мәліметінше, тексеру Қазақстан аумағында пайдаланылатын 88 мың ресейлік тіркеуге алынған автокөлік Ресей Федерациясының ІІМ-де есепте тұрмайтындығын анықтады. Яғни, олар белгіленген тәртіппен тіркелмеген немесе Қазақстан азаматтарына сатылған, содан кейін олардың иелері - Ресей азаматтары тіркелген жері бойынша есептен шығарылған. Қазақстанда ресейлік нөмірмен 210 мың көлік бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
