12 шілде 2023 14:17

Тоқаевтың ескертуінен кейін министрлерден демалысқа шығу жоспары сұралды

Дина Шарипханова Корреспондент

ПОДЕЛИТЬСЯ

Солдан оңға қарай министрлер Қарабаев, Қуантыров, Сәтқалиев. Фото: gov.kz Солдан оңға қарай министрлер Қарабаев, Қуантыров, Сәтқалиев. Фото: gov.kz

Үкімет кулуарында журналистер министрлерге демалысқа шығу жоспары туралы сұрақ қойды, - деп хабарлайды Tengrinews.kz тілшісі.


Үкімет кулуарында журналистер министрлерге демалысқа шығу жоспары туралы сұрақ қойды, - деп хабарлайды Tengrinews.kz тілшісі.

Атап айтқанда, индустрия және инфрақұрылымдық даму министрі Марат Қарабаев жоспар бойынша демалысқа шықпақ.

"Демалысқа жалпы жоспар бойынша барамын, премьер-министрмен келісілген. Жылыту маусымы бойынша орталық мемлекеттік орган, атап айтқанда индустрия және инфрақұрылымдық даму министрлігі дайындық үшін барлық қажетті жұмыстарды жасады", - деп жауап берді Қарабаев.

Ұлттық экономика министрі Әлібек Қуантыров қызметіне кіріскеннен бері, яғни 2022 жылдың қаңтарынан бері еңбек демалысына шықпаған. Оның айтуынша, бұл жолы да шықпайды.

"Әзірге биыл демалысқа шығу ойым жоқ. Былтыр да барған жоқпын", - деді министр.

Энергетика министрі Алмасадам Сәтқалиев та жақын арада еңбек демалысына шықпайды. Бұл түсінікті: ол бұрын өзі айтқандай Қазақстан қалаларындағы жылумен қамту нысандарын аралайды.

"Мен де әлі демалысқа шықпаймын. Қандай да бір кестені Үкімет бекітеді", - деп жауап берді шенеунік.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 447.25   490.7   4.96 

 

Ауа райы

 

Редакция Жарнама
Социальные сети