+7 (777) 001 44 99
ПОДЕЛИТЬСЯ
Түркістан облысының полицейлері қыз ұзату тойын тарқатты, - деп хабарлайды Tengrinews.kz тілшісі polisia.kz сайтына сілтеме жасап.
Түркістан облысының полицейлері қыз ұзату тойын тарқатты, - деп хабарлайды Tengrinews.kz тілшісі polisia.kz сайтына сілтеме жасап.
Сарыағаш АПБ қызметкерлері арнайы құрылған топпен бірге профилактикалық жұмыстар барысында, Сарыағаш қаласының көшелерінің бірінде орналасқан тойханада қыз ұзату тойы өтіп жатқанын анықтады. Тойға шамамен 100-ге жуық қонақ жиналған. Полицейлер шараны тоқтатып, қонақтарды үй-үйлеріне тарқатты.
"Көптің басын қосып, өмірлеріне қатер төндірген той иесі мен тойхананы жалға алып жұмыс істеген адамға қатысты ҚР ӘҚБтК-нің 425-бабы (Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу) бойынша Түркістан облысы бас мемлекеттік санитар дәрігерінің қаулысында көрсетілген карантин режимін және шектеу шараларын сақтамағаны үшін, жинақталған құжаттар Сарыағаш аудандық СЭББ-на жолданды", - делінген хабарламада.
Полицейлер карантин режимі әлі де жалғасып жатқанын еске салды. "Сондықтан мейілінше үйден шықпай, адам көп шоғырланған аймақтарға барудан бас тартыңыздар. Қолдарыңызды жиі жуып, медициналық бетперде тағып жүруге кеңес береміз. Өз өміріңіз - өз қолыңызда!", - деді олар.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
