"Ислам мемлекетінің" хакерлері Қырғызстан Денсаулық сақтау министрлігінің сайтын бұзды

Dw.de сайтынан

"Ислам Мемлекеті" ұйымының хакерлері Қырғызстанның Денсаулық сақтау министрлігінің сайтын бұзды, - деп хабарлайды Tengrinews.kz тілшісі.

"Ислам Мемлекеті" ұйымының хакерлері Қырғызстанның Денсаулық сақтау министрлігінің сайтын бұзды, - деп хабарлайды Tengrinews.kz тілшісі.

Хакерлер сайтты бұзғаннан кейін оның бастапқы бетіне YouTube порталындағы мұсылмандардың уағызы айтылған бейнеролик жүктеген. Сонымен қатар, олар бастапқы бетке ИМ лаңкестік ұйымын қолдау мен "кінәсіз мұсылмандарды өлтіріп жатқан" АҚШ, Израиль және араб елдеріне қарсы күресу туралы мәтін қалдырған. Хакерлер өздері жазған мәтіндерді неғұрлым көп адам оқуы үшін мемлекеттік сайттарға шабуыл жасауды тоқтатпайтынын да мәлімдеді.

Қырғызстан Денсаулық сақтау министрлігінің баспасөз қызметі ведомствоның техникалық қызметкерлері сайтты қалпына келтіру жұмыстарын бастап кеткенін хабарлады. Еске сала кетейік, осыған дейін ресейлік хакерлердің Ақ үйдің компьютерлік желісіне шабуыл жасап, АҚШ президенті Барак Обаманың жұмыс кестесі туралы ақпарат алуға тырысқаны хабарланған болатын. Сонымен қатар, ресейлік хакерлер соңғы уақытта АҚШ Мемлекеттік департаментінің желісіне де бірнеше шабуыл жасады. Хабарламада хакерлердің маңызды немесе құпия ақпараттарды алып үлгермегені жазылды.

Қырғызстан Хакерлер