+7 (777) 001 44 99
ПОДЕЛИТЬСЯ
Гаитидегі "Мэтью" дауылының құрбандары 300 адамнан асты, - деп хабарлайды ВВС елдің үкіметі таратқан ақпаратқа сүйеніп.
Гаитидегі "Мэтью" дауылының құрбандары 300 адамнан асты, - деп хабарлайды ВВС елдің үкіметі таратқан ақпаратқа сүйеніп.
Құрбандардың нақты саны әзірше белгісіз қалып отыр, бұған құтқарушылардың шалғай аудандарға жете алмай отырғандығы себеп болып тұр.
©REUTERS/Alexandre Meneghini
Айта кетейік, 6 қазанда таңғы уақытта Гаити үкіметі 23 адам қаза болғанын хабарлаған. Ал бейсенбіден жұмаға қараған түні 283 адамның көз жұмғанын мәлімдеді.
©REUTERS/Carlos Garcia Rawlins
Дауылдан Гранд-Анс департаментінің әкімшілік орталығы Жереми қаласында ғимараттардың 80 пайызы қираған. Өзге жерлерден гөрі дәл осы департамент көбірек зардап шеккен. Елдің оңтүстігіндегі Рош-а-Бато қаласының өзінде ғана 50 адам қаза болған.
©REUTERS/Carlos Garcia Rawlins
Елдің үкіметі дауыл салдары Гаити үшін ауыр зардаптар әкелгенін айтады: көпірлер мен жолдар қирап, ағаштар тамырымен жұлынған. Қирандылар құтқару жұмыстарын қиындатып отыр.
©REUTERS/Alexandre Meneghini
Осы уақытта дауыл АҚШ-тың атлантикалық мұхиттағы жағалауына жетті. Миллиондаған адам бұл аймақты тастап кеткен. АҚШ президенті Барак Обама Флорида, Оңтүстік Каролина және Джорджия штатында төтенше жағдай жариялады.
