Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Алматыда өтетін әлем чемпионатында алтын аларыма 99,9 пайыз сенімдімін - Илья Ильин

21 Шілде 2014, 17:49
0
Илья Ильин ©REUTERS
Илья Ильин ©REUTERS

Қазақстандық ауыр атлет Илья Ильин Алматыда өтетін әлем чемпионатында алтын алатынына 99,9 пайыз сенімді, деп хабарлайды Тengrinews.kz тілшісі Vesti.kz-ке сілтеме жасап.

Олимпиада ойындарының екі дүркін чемпионы Илья Ильин Анатолий Храпатыйды еске түсіруге арналған турнирде көрсеткен өнеріне көңілі толатындығын айтады. "Менің ойымша, барлығы керемет өтті. Екі жылдан бері ешқайда өнер көрсеткен жоқпын, сол себепті бұл менің алғашқы жарысым болып отыр", - дейді Илья Ильин.

Спортшының айтуынша, нәтиже өте күрделі болды. "Жұлқа көтеруде біраз салмақ болды, мен оның бәрін есептедім. Серпе көтеруде мен дайындық кезінде 185 келіні еңсерген жоқ едім. Лондон олимпиадасынан кейін бірінші рет көтеруім. Сол себепті, бұл жолғы сайысқа қатуымды 100 пайыз деп бағалаймын, барымды салып өнер көрсеттім. Дегенмен менде әлем чемпионатында өнер көрсететін мүмкіндік бар, оған дейін жаман нәтижемен бармаспын. "Алтын аламын" деген өзіме сенімділік 99,9 пайыз", - дейді ауыр атлет.

Ильиннің сөзінше, ол қазір бабына толығымен келген, өзін жақсы сезінеді. Турнир алдында салмағы 107,4 келіні тартқан. Қазір ол әлем чемпионатына толығымен дайындық жұмыстарын жүргізіп жатыр. Айта кететін тағы бір жайт, ол биыл Инчеонда өтетін Азия ойындарына қатыспайды. "Мен әлем чемпионатына жақсылап дайындалып, Қазақстан халқы менің өнер көрсеткенімді көргенін қалаймын. Онда Храпатый турниріне қарағанда әлдеқайда қызықты болатынына уәде беремін", - дейді ол.

Естеріңізге сала кетейік, Илья Ильин Анатолий Храпатый турнирінде алтынға қол жеткізе алмай, екінші орынға тұрақтаған болатын. Ол Лондон олимпиадасынан кейін алғаш рет өнер көрсетіп отыр. Сонымен қатар, осыған дейінгі сайыстарда 94 келі салмақ дәрежесінде өнер көрсетсе, Храпатыйды еске түсіруге арналған турнирде 105 келіден жоғары салмақ дәрежесінде сынға түскен еді. Қортынды бойынша әлемнің үш дүркін чемпионы жалпы есепте 424 келіні еңсеріп, турнир жеңімпазы Ибрагим Берсановқа есе жіберіп қойды.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай