"Астана" шабандозы "Джиро д'Италияның" 15 кезеңін жеңіп алды

26 Мамыр 2014, 14:02
0

Елордалық "Астана" велокомандасының итальялық шабандозы Фабио Ару "Джиро д'Италия" көпкүндігінің 15 кезеңін жеңіп алды, деп хабарлайды Tengrinews.kz тілшісі. 

15 кезеңде шабандоздар 225 шақырымға созылатын бірінші деңгейлі тауды бағындырып, Италияның Монтекампионе қаласында мәре сызығын кесті. Бұл кезеңде таулы қыраттан бастап көшбасшылықты өз қолына алған Ару кезеңнің соңына дейін шашасына шаң жұқтырмай мәре сызығынан бірінші болып өтті. Екінші болып бұл кезеңді "Colombia" командасының шабандозы Фабио Дуарте аяқтады. Ал үздік үштікті "Movistar" командасының колумбиялық спортшысы Наиро Кинтана кесті.

Бұл кезеңдегі жеңісінен кейін Ару жалпы есепте жетінші орыннан төртінші сатыға көтерілді. Ол енді көш басында келе жатқан "Omega Pharma-Quick Step" командасының шабандозы Ригоберто Уранудан 2 минут 24 секунд қалып келеді. Жалпы есепте екінші орында "ВМС" командасының аустралиялық шабандозы Кадэл Эванс болса, үшінші орында "Tinkoff-Saxo" ұжымының польшалық шабандозы Рафал Майка. 

Айта кетейік, бүгін спортшылардың барлығы демалып, ертең "Джиро д'Италия" көпкүндігінің 16 кезеңіне шығады. 16 кезеңде велошабандоздар 139 шақырымға созылатын жарыс жолында бірінші дәрежелі Гавиа және Стельвио асуларын бағындыратын болады. 

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай