Федор Емельяненко спорттан кетуге ниет білдірді

14 Ақпан 2017, 13:06
0
Федор Емельяненко спорттан кетуге ниет білдірді - © Vesti.kz
© Vesti.kz

Аралас жекпе-жек жұлдызы Федор Емельяненко Bellator ұйымымен келісімшарты аяқтағаннан кейін спортан кетпек, - деп хабарлайды MmaMania.

"Bellator-дағы мансап жолын аяқтағым келеді. Келісімшартқа сәйкес міндетімді атқарамын. Мен үшін адамдармен жақсы қарым-қатынаста болу маңызды, мен Скотт Кокермен (ұйым басшысы) арадағы қатынасымызды жоғары бағалаймын", - дейді спортшы. 

Өзінің жекпе-жек әлеміне қайта оралатыны туралы спортшы 2015 жылдың 14 шілдесінде мәлімдеген болатын. Ал былтыр қарашада 40 жастағы ресейлік жекпе-жек шебері Bellator ұйымымен бірнеше кездесу өткізу туралы келісімшартқа қол қойған. Емельяненконың келесі жекпе-жегі 16 ақпанда америкалық Мэтт Митрионмен болады.

"Соңғы император" атанған атақты спортшы жалпы 40 жекпе-жек өткізген. 35 кездесуде жеңіске жетіп, төрт рет ұтылды және бір жекпе-жек дәрігерлер шешімімен тоқтатылған болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай