Головкин WBN тұжырымының P4P рейтингінде бір саты төмен сырғыды

11 Наурыз 2014, 12:22
0
Головкин WBN тұжырымының P4P рейтингінде бір саты төмен сырғыды - Генадий Головкин. Сурет:  boxingscene.com сайтынан алынды
Генадий Головкин. Сурет: boxingscene.com сайтынан алынды
WBA және IBO тұжырымдарының чемпионы, қазақстандық былғары қолғап шебері Геннадий Головкин WorldBoxingNews (WBN) тұжырымының Pound for pound (P4P) рейтингінде бір саты төмен сырғыды, деп хабарлайды Tengrinews.kz Vesti.kz спорт порталына сілтеме жасап.

Мамыр айында жарияланған жаңа тізім бойынша Головкин Саул Альваресті алдына жіберіп 13 сатыға тұрақтапты. Ал, өз кезегінде Саул британдық былғары қолғап шебері Карл Фрочты алдына жіберіп алған. Жаңа тізімнің көшбасында ешқандай өзгеріс орын алмаған. Бірінші орында американдық боксшы Флойд Мейвезер. Екінші орында филиппиндік Мэнни Пакьяо болса, үздік үштікті тағы да бір американдық былғары қолғап шебері Андре Уорд түйіндеп тұр.

Әрі қарай тізімде украиндік Владимир Кличко, американдық Тимоти Брэдли, кубалық Гильермо Ригондо, аргентиналық Серхио Мартинес, мексикалық Хуан Мануэль Маркес, филиппиндік Нонито Донэр және американдық боксшы Дэнни Гарсия орналасқан.

Айта кетейік, Геннадий Головкин 2014 жылдың 26 сәуірінде өзінің кезекті жекпе-жегін өткізуі керек болатын. Бірақ, әкесінің қайтыс болуына байланысты Головкин ол кездесуді өткізуден бас тартты. Енді жазда келесі кездесуін өткізетін қазақстандық былғары қолғап шеберінің қарсыласы Хулио Сесар Чавес болуы мүмкін.



  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай