1. Басты
  2. Біл
  3. Спорт
  4. Спорт

Головкин рингке наурызда шығуы мүмкін - БАҚ

© Тұрар Қазанғапов © Тұрар Қазанғапов

IBF және IBO нұсқалары бойынша орта салмақтағы әлем чемпионы қазақстандық Геннадий Головкин келесі кездесуін 2020 жылдың наурызында өткізуі мүмкін. Бұл туралы Matchroom Boxing промоутер компаниясының басшысы Эдди Хирн мәлімдеді, - деп хабарлайды Vesti.kz.

Оның айтуынша, Головкиннің қарсыласы - поляк боксшысы Камил Шеремета (21-0, 5 КО) болуы мүмкін. Олардың жекпе-жегін Халықаралық бокс федерациясы (IBF) санкциялады.

"Головкин наурыздың соңында, атап айтқанда 28-інде Шереметамен кездеседі деген болжам бар", - деп жазған Bokser.org Хирн сөзін келтіріп. 

Головкин 5 қазанда Нью-Йоркте (АҚШ) жеңген IBF титулын алғаш қорғамақ. 

Айта кетсек, сол кештің андеркартасында Шеремета да өнер көрсеткен. Ол екінші раундта мексикалық Оскар Кортесті нокаутқа түсіріп, IBF титулына үміткер атанған.