1. Басты
  2. Біл
  3. Спорт
  4. Спорт

Жүзуші Дмитрий Баландин екінші рет Олимпиада финалына шықты

© Данияр Майлыбаев © Данияр Майлыбаев

Қазақстандық жүзуші Дмитрий Баландин 200 метр қашықтыққа браспен жүзу жарысында Рио-де-Жанейрода Олимпиада финалына шықты, - деп хабарлайды Vesti.kz тілшісі.

Жартылай финалда Дмитрий Баландин 200 метр қашықтықты 2.08.20 минутта жүзіп өтіп, төртінші болып келді. Жалпы есепте ол сегізінші болып, жарыстың келесі кезеңіне өтті.

200 метр қашықтыққа браспен жүзу финалы ертең, 11 тамызда Астана уақытымен 7:03-те басталады.

Осыған дейін, Баландин жүз метр қашықтыққа браспен жүзу жарысында сегізінші орын алған болатын. 21 жастағы алматылық Олимпиада ойындарына бірінші рет қатысып отыр.

Айта кетейік, Қазақстан қоржынында қазіргі уақытта бір күміс, үш қола медаль бар.