Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Қол добындағы үздік фотоға 5000 швейцар франкі тігілді

05 Маусым 2014, 16:41
0
Фото ihf.info сайтынан
Фото ihf.info сайтынан
Фото ihf.info сайтынан
Фото ihf.info сайтынан

Халықаралық гандбол федерациясы кәсіпқой және әуесқой фототілшілер арасында бесінші рет бәйге жариялап, бас бәйгеге 5000 швейцар франкін тігіп отыр, деп хабарлайды Tengrinews.kz.

Бәйгеге тек 2013 жылы түсірілген фотолар қабылданады. Соңғы өткізу мерзімі – 1 шілде, 2014 жыл. Кез-келген фототілші үш таңдаулы суретін Халықаралық гандбол федерациясының (IHF) Facebook әлеуметтік желісіндегі жеке парақшасы арқылы жібере алады.

Жіберілетін суреттер тек қол добы додасынан болуы керек. Бірақ әлем чемпионаты ма, мектептегі қарапайым дода ма, оған шектеу қойылмайды. Тек осы спорт түрінің тамаша көрінісі болуы керек.

Сезім, жігер, жанкештілік, қайсарлық, батылдық, жылдамдық, шапшаңдық, қозғалыс, ұмтылыс, серпін, эмоция, көз жасы, өкініш, команданың жұмыла әрекет етуі және оны басқару – бәрі-бәрі гандбол. Қысқасы, қол добының құдіретін паш ете алатын туынды керек.

Былтыр Австралия фототілшісі Бен Доусонның жағажай гандболындағы фотосы жеңімпаз атанған екен. Биыл да жылдағыдай жеңімпазға ақшалай сыйлық табыс етіліп, ең үздік фотолардың бәрі гандболдың бүкіләлемдік журналында және IHF басылымдарында жарыққа шығады.

Сонымен, іске сәт, фотоаппарат асынған әріптестер! Фотомұрағаттарыңызды ақтарып көріңіздер. Мүмкін сіздердің де тамаша фотоларыңыз бар шығар. Бірақ "бұл ақпаратты неге ертерек жарияламадыңыздар" деп бізді айыптай көрмеңіздер.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай