Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Мексикада Головкинге WBC белбеуі ресми түрде табыс етілді

10 Шілде 2016, 14:13
0
Геннадий Головкин WBC белбеуін алды. © ҚР СІМ баспасөз қызметі
Геннадий Головкин WBC белбеуін алды. © ҚР СІМ баспасөз қызметі

Кеше, 9 шілдеде Қазақстанның Мексикадағы Елшілігінде қазақстандық боксшымен жекпе-жектен бас тартқан мексикалық Сауль "Канело" Альвареске тиесілі чемпиондық белбеуді табыс етудің және орта салмақтағы WBC (Дүние жүзілік бокс кеңесі - WorldBoxingCouncil) нұсқасы бойынша әлемнің абсолют чемпионы атағын ресми түрде тапсыру рәсімі болып өтті, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.

Бұл іс-шара WBC ҚР Мексикадағы Елшілігімен бірлесіп ұйымдастырылыпты. Табыс ету салтанатына халықаралық спорт ұйымдарының басшылары, бокстан әлемнің қазіргі және бұрынғы чемпиондары, мексикалық жетекші және халықаралық спорт шолушылары, сондай-ақ 40-тан аса мексикалық және шетел телеарналары мен басылымдарының өкілдері қатысты.

Марапаттау рәсімін кіріспе сөзбен WBC президенті Маурисио Сулайман ашып, аталған іс-шараның маңыздылығы мен символдығын ерекше атап өтті, себебі, ол әлемге нағыз чемпион және көрнекті спортшы - Геннадий Головкин туған елдің елшілігінің ғимаратында өткізіліп отыр.

Өз кезегінде, ҚР Мексикадағы елшісі Андриан Елемесов Геннадий Головкинді марапаттау рәсімінің Елшілікте өткізіліп отырғанын мақтан тұтатынын атап өтті. Өйткені ол барша әлемде Қазақстан туын абыроймен көтеріп келе жатқан көрнекті спортшы ғана болып қоймай, Астанада өтетін "ЭКСПО-2017" елшісі. Осыған орай, қатысушыларды келесі жылы елімізде өткізілетін Халықаралық мамандандырылған көрмеге белсенді қатысуға шақырды. Баяндамадан кейін іс-шара қонақтарының назарына "ЭКСПО-2017" фильмі көрсетіліп, Қазақстан туралы тиісті ақпараттық материалдар таратылды.  

Іс-шараның жоғары деңгейде өткізілгені, шақырылған қонақтардың елімізге белсенді қызығушылық танытқаны айтылады. "А. Елемесов пен Г. Головкин бірқатар мексикалық және шетелдік БАҚ-қа сұхбаттар беріп, қазақстандық спорттағы жағдай туралы ғана емес, сонымен қатар, Қазақстанның ел ішіндегі және сыртқы саяси сахнадағы соңғы жетістіктері туралы баяндап берді", - делінген хабарламада. 

Айта кетейік, WBC басшылығы келесі конференциясын 2017 жылы Астана қаласында "ЭКСПО-2017" көрмесінің барысында өткізуге ниетті екенін ресми мәлімдеді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай