+7 (777) 001 44 99
ПОДЕЛИТЬСЯ
Бес салмақ дәрежесі бойынша бокстан әлемнің экс-чемпионы кіші Флойд Мейвезер UFC чемпионы ресейлік Хабиб Нурмагомедовпен жекпе-жек өткізу үшін өз талаптарын қойды, - деп хабарлайды Tengrinews.kz тілшісі Vesti.kz порталына сілтеме жасап.
Бес салмақ дәрежесі бойынша бокстан әлемнің экс-чемпионы кіші Флойд Мейвезер UFC чемпионы ресейлік Хабиб Нурмагомедовпен жекпе-жек өткізу үшін өз талаптарын қойды, - деп хабарлайды Tengrinews.kz тілшісі Vesti.kz порталына сілтеме жасап.
Бұған дейін Нурмагомедов америкалықты жекпе-жекке шақырған еді. Мейвезер оның ұсынысын қабылдады.
Мейвезердің айтуынша, Нурмагомедовпен жекпе-жек өткізуде ешқандай мүмкін емес нәрсе жоқ, бірақ ол бокстың ережелері бойынша өтуі тиіс. "Ол мені жекпе-жекке шақырды, сондықтан ол менің аумағына келуі керек, - деп мәлімдеді Мейвезер TMZ.com басылымына берген сұхбатында. - Ол Конорды нокдаунға түсірдім деді, ал ол менің қолымнан келген жоқ. Олай болса, Хабиб, менің қалдығым саған қалған екен. Мен - Флойд Мейвезермін, мен - бастымын. Сен мені жекпе-жекке шақырдың, демек сен менің аумағыма келесің. Тағы бір айтайын: осынша аудитория жинайтын және осынша ақша табатын мен сияқты өзге бір боксшыны мен білмеймін... Әрине, Хабибпен жекпе-жек үшін тоғыз еселенген гонорар аламын. МакГрегормен өткізген жекпе-жектен де көп, кепілдендірілген гонорардан жүз миллионға артық шығар бәлкім. Шамамен 110-200 миллион долларға жоғары деп ойлаймын".
Мейвезер жекпе-жек Лас-Вегаста (Невада штаты) өтуі тиіс деп есептейді, алайда Нурмагомедовке жекпе-жек кезінде және одан кейін өзін лайықты ұстай алатынын дәлелдеуіне тура келеді.
Айта кетейік, бұл екі спортшы да ирландиялық Конор МакГрегорды жеңген. Мейвезер бокс ережесімен Лас-Вегаста 2017 жылы тамызда өткен жекпе-жекте техникалық нокаутпен жеңді. Түрлі бағамдарға сәйкес, америкалық боксшы ол жекпе-жегі үшін шамамен 300 миллион доллар алған.
Нурмагомедов чемпиондық титулын қорғап, МакГрегорды тұншықтыру әдісімен жеңді. Осыдан кейін ресейлік файтер октагоннан секіріп түсіп, жаппай төбелес шығарды.
