Универсиада ойындарында қазақстандық спортшылар арасында ең көп сыйақыны кім алады?

09 Ақпан 2017, 11:03
1
Универсиада ойындарында қазақстандық спортшылар арасында ең көп сыйақыны кім алады? - © 24.kz
© 24.kz

Vesti.kz сайты Алматыда өткен 28-ші қысқы Универсиада ойындарында бақ сынаған қазақстандық спортшылардың арасынан кімнің ең көп табысқа кенелгенін анықтап көрді.

Студенттер арасындағы бәсекенің басталар алдында Қазақстанның спорт және мәдениет министрі Арыстанбек Мұхамедиұлы Универсиадада топ жарған спортшылар 4,9 миллион, күміс жүлдегерлер 3,3 миллион, ал қола жүлдеге қол жеткізген спортшылар 1,6 миллион теңге көлемінде сыйақы алатынын айтты. Одан бөлек, спортшылары жүлдегерлер қатарына іліккен бапкерлер де құр қол қалмайтынын жеткізген.

Жалпы Универсиада ойындарында Қазақстан құрамасы 36 жүлде: 11 алтын, 8 күміс және 17 қола жүлде жеңіп алды. Сөйтіп командалық есепте тек Ресейді алға жіберіп, екінші орынға тұрақтады.

Алтын медаль жеңіп алған спортшылар үшін 63 миллион 700 мың теңге, күміс медаль алған спортшылар үшін 125 миллион 400 мың теңге, қола жүлдегерлер үшін 40 миллион теңге мемлекет қазынасынан бөлінетін болады. Яғни, спортшылар үшін 229 миллион 100 мың теңге төленеді. Дәл осындай көлемде спортшылардың жаттықтырушылары да сыйақы алады. Барлығын қоса есептегенде мемлекет тарапынан сыйақыға 458 миллион 200 мың теңге бөлінетін болады.

 

Универсиада ойындарында қазақстандық спортшылар арасында ең көп сыйақыны Галина Вишневская алады. Бұл спортшының Универсиада ойындарындағы сыйақысы (екі алтын, екі күміс) 16 миллион 400 мың теңгеге тең келеді.

Сыйақы мөлшері бойынша екінші орында Анна Шевшенко. Ол 13 миллион алады. Шаңғышымыз бәсеке барысында төрт жүлде: алтын, күміс және екі қола жеңіп алды.

 

Фристайлшы Дмитрий Рейхард пен Юлия Галышевалардың сыйақысы 9 миллион 800 мың теңге. Бұл екі спортшы Универсиадада екі алтын жеңді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай