13 қаңтар 2017 20:02

Универсиадада Қазақстан намысын қорғайтын ең сұлу спортшы қыздар

Манас Жантекеев

2017 жылғы қысқы Универсиаданың басталуына санаулы күндер қалды. Алматыға әлемнің әр түкпірінен мыңдаған студент келіп, спорттың 12 түрінен жарысқа түседі. Vesti.kz сайты осы жарысқа қатысатын Қазақстанның ең сұлу қыздарының тізімін жасады.

2017 жылғы қысқы Универсиаданың басталуына санаулы күндер қалды. Алматыға әлемнің әр түкпірінен мыңдаған студент келіп, спорттың 12 түрінен жарысқа түседі. Vesti.kz сайты осы жарысқа қатысатын Қазақстанның ең сұлу қыздарының тізімін жасады.

Анита Нагай (шорт-трек)

18 жастағы қазақстандық спортшы шорт-трекпен жеті жылдан бері айналысып келеді. Биыл ол Норвегияның Лиллехаммер қаласында өткен жасөспірімдер Олипиадасының қола жүлдесіне ие болды.

Татьяна Лихаус (хоккей)

Еліміздің хоккей құрамасының 18 жастағы шабуылшысы. Құраманың үздік ойыншыларының бірі. Көкшетауда дүниеге келген. Қазіргі кезде Алматының "Айсұлу" командасында ойнайды.

Даяна Ахметавлиева (трамплиннен секіру)

18 жастағы ару трамплиннен шаңғымен секіруден Қазақстан құрамасының сапында өнер көрсетеді. Ол универсиадада осы спорт түрінен Қазақстан атынан шығатын жалғыз спортшы.

Алина Слепенко (биатлон)

20 жаста. Румынияда жасөспірімдер арасында өткен жарыста ТОП-40 спортшылар қатарына кірді.

Рамина Юничева (керлинг)

23 жаста. Керлигтен Қазақстан құрамасының капитаны. Биыл жазда тұрмыс құрды.

Анна Стоян (шаңғы жарысы)

Анна 23 жаста. Жасөспірімдер арасында өткен үш чемпионатқа қатысқан. Муониода 20 жасқа дейінгі спортшылар арсында өткен шаңғы жарысында 5 шақырым қашықтықта үшінші орын иеленген.

Айза Момбекова (мәнерлеп сырғанау)

Осы тізімдегі ең жас спортшы. 17 жаста. Таллинде өткен жасөспірімдер арасындағы Гран-приде оныншы орынға ие болған. Осы спорт түрінен Қазақстан құрамасының бас бапкері спортшымыздың алдына Универсиадада ТОП-10-қа кіру мақсатын қойды.