АҚШ-та Гранд-Каньон маңында туристер мінген автобус аударылды

АҚШ-тың Аризона штатында Гранд-Каньон маңында 50-ден аса турист мінген автобус аударылды. Жергілікті полиция мәліметінше, жол-көлік оқиғасы салдарынан бір адам қаза тапты, тағы сегіз адам ауыр жарақат алған, - деп хабарлайды Tengritravel.kz тілшісі.

"Құтқару қызметі Гранд-Каньон Уэст аумағында автобус аударылғаны туралы хабар алған. Сегіз адам әуемен жақын маңдағы ауруханаларға жеткізілген. Бір адамның қаза тапқаны расталды", - дейді полицейлер.

Сондай-ақ, жеңіл жарақат алғандар жедел жәрдем кареталарымен ауруханаға жеткізілген.

Жол апатының мән-жайы анықталып жатыр. Полиция мәліметінше, оқиға кезінде 10 жедел әрекет ету қызметі осы іске тартылған.

Саяхат қызықтары мен пайдалы ақпаратты Instagram және Facebook парақшаларынан оқи аласыз!